ଦେବସ୍ନାନ ପୂର୍ଣ୍ଣିମା ପାଇଁ ନୀତି ନିର୍ଘଣ୍ଟ, ସକାଳ ୯ଟା ୩୦ରୁ ୧୧ଟା ୩୦ ଯାଏଁ ଚାଲିବ ସ୍ନାନ

ପୁରୀ: ଦେବସ୍ନାନ ପୂର୍ଣ୍ଣିମା ନୀତି ନିର୍ଘଣ୍ଟ ସ୍ଥିର କରାଯାଇଛି । ମଙ୍ଗଳାର୍ପଣ ରାତି ୩ଟା ୩୦ରେ ହେବାକୁ ଥିବା ବେଳେ ୪ ଟାରୁ ୬ଟା ମଧ୍ୟରେ ଡେରିଲାଗି ଓ ପୁଷ୍ପାଞ୍ଜଳି ହୋଇ ପହଣ୍ଡି ଆରମ୍ଭ ହେବ। ମଙ୍ଗଳ ଆଳତି ୬ଟା ୩୦ରେ ହେବା ପରେ ମଇଲମ, ତଡପଲାଗି, ଅଧରପୋଛା, ଅବକାଶ, ବେଶ ଶେଷ ନୀତି କରାଯିବ। ସେହିପରି ରୋଷହୋମ, ସୂର୍ଯ୍ୟପୂଜା, ଦ୍ବାରପାଳ ପୂଜା, ଜଳବିଜେ ପୂଜା କରାଯିବ । ସ୍ନାନ ୯ଟା ୩୦ରୁ ୧୧ଟା ୩୦ ଯାଏଁ ଚାଲିବ ।

ଏହାସହ ମଇଲମ ମେକାପ ଓ ନୂଆଲାଗି ବେଶ ୧୧ଟା ୩୦ରୁ ୧୨ଟା ୩୦ ମଧ୍ୟରେ ଶେଷ ହେବ । ସେହିପରି ୧୨ଟା ୧୫ ରୁ ୧୨ ୪୫ ମଧ୍ୟରେ ସରିବ ଛେରାପହଁରା ନୀତି । ୧୨ଟା ୪୫ ଓ ୨ଟା ୩୦ ମଧ୍ୟରେ ହାତୀବେଶ, ୩ଟା ୧୫ ମଧ୍ୟରେ ମହନ୍ତ ଶାଢୀ ବନ୍ଧା, ୩ଟା ୩୦ରୁ ୫ଟା ମଧ୍ୟରେ ଘଣ୍ଟଛତା ସକାଳ ଧୂପ ନୀତି ସମାପନ ହେବ । ସଂଧ୍ୟା ୬ଟାରୁ ୯ଟା ୩୦ ମଧ୍ୟରେ ସାହାଣମେଲା ହେବ । ୧୦ଟାରୁ ଗୋଟାଏ ମଧ୍ୟରେ ହେବ ବାହୁଡ଼ା ପହଣ୍ଡି ।