ଅଭିଭାବକଙ୍କ ଅଜ୍ଞାତରେ ଲୋନ୍, ବାଇଜୁସ୍ କ୍ଲାସ୍ ନାମରେ ଠକେଇ
ବାଲେଶ୍ୱର: ବାଇଜୁସ୍ କ୍ଲାସ୍ ନାମରେ ଠକେଇ । ଅଭିଭାବକଙ୍କୁ ନଜଣାଇ ସେମାନଙ୍କ ନାମରେ ଋଣ କରିବା ସହିତ କ୍ଲାସ୍ ନକରି ଟଙ୍କା ଠକି ନେଇଥିବା ଥାନାରେ ଅଭିଯୋଗ ହୋଇଛି । ଏନେଇ ବାଇଜୁସ୍ର 2 ଜଣ କାଉନସିଲରଙ୍କୁ ବାଲେଶ୍ବରର ଅଭିଭାବକମାନେ ଅଟକ ରଖି ପୋଲିସକୁ ହସ୍ତାନ୍ତର କରିଛନ୍ତି । ଛାତ୍ରଛାତ୍ରୀଙ୍କୁ ପାଠ ପଢାଇବା ନାଁରେ ଛାତ୍ରଛାତ୍ରୀଙ୍କ ଘରକୁ ଯାଇ ଅଭିଭାବକ ବୁଝାଇଥିଲେ ।
ପରେ ସେମାନଙ୍କୁ ନଜଣାଇ ଅଭିଭାବକଙ୍କ ନାଁରେ ଋଣ କରି 80 ହଜାରରୁ 2ଲକ୍ଷ 40 ହଜାର ପର୍ଯ୍ୟନ୍ତ ଟଙ୍କା ଠକି ନେଇଥିବା ଅଭିଯୋଗ ହୋଇଛି । ଟଙ୍କା ନେବା ପରେ ଛାତ୍ରଛାତ୍ରୀଙ୍କ କ୍ଲାସ ନକରିବା, ଷ୍ଟଡ଼ି ମେଟେରିଆଲ ନଦେବା, ଫୋନ୍ ନଉଠାଇବାରୁ ଅଭିଭାବକମାନେ ସମସ୍ୟାରେ ପଡ଼ିଛନ୍ତି । ଏହା ସହିତ ସେମାନଙ୍କ ନାମରେ ଋଣ କରାଯାଇଥିବା ଅଭିଭାବକମାନେ ଜାଣି ନଥିବାରୁ ବ୍ୟାଙ୍କ୍ରେ ଟଙ୍କା ପୈଠ କରାପାରି ନଥିଲେ ।
