ଭିକ୍ଟୋରିଆ ଗୌରୀଙ୍କୁ ବିଚାରପତି କରିବା ପ୍ରସଙ୍ଗ : ବଢ଼ିଲା ସୁପ୍ରିମକୋର୍ଟ -କେନ୍ଦ୍ର ସରକାର ବିବାଦ

ଚେନ୍ନାଇ : ଆଡଭୋକେଟ ଏଲ.ଚନ୍ଦ୍ରା ଭିକ୍ଟୋରିଆ ଗୌରୀଙ୍କୁ ମାଡ୍ରାସ ହାଇକୋର୍ଟର ବିଚାରପତି ଭାବେ ନିଯୁକ୍ତି ଦେବାକୁ ନେଇ ବିବାଦ । ନିଯୁକ୍ତି ବିରୋଧରେ ହେବାକୁ ଥିବା ଶୁଣାଣିକୁ ୧୦ ତାରିଖ ବଦଳରେ ଆଜି କରିବା ଲାଗି ନିଷ୍ପତ୍ତି ନେଇଛନ୍ତି ସୁପ୍ରିମକୋର୍ଟ ।

ଗୌରୀଙ୍କୁ ମାଡ୍ରାସ ହାଇକୋର୍ଟର ଅତିରିକ୍ତ ବିଚାରପତି ଭାବେ ନିଯୁକ୍ତି କରିବା ଲାଗି କେନ୍ଦ୍ର ସରକାରଙ୍କ ବିଜ୍ଞପ୍ତି ପ୍ରକାଶ ପରେ କ୍ଷୁବ୍ଧ ହୋଇଛନ୍ତି ସର୍ବୋଚ୍ଚ ଅଦାଲତ । ମାମଲାର ଆଗୁଆ ଶୁଣିବା ଲାଗି ସିଜେଆଇ ଡି.ଓ୍ବାଇ. ଚନ୍ଦ୍ରଚୂଡ଼ଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କରିବ ଶୁଣାଣି । ଆହ୍ଲାବାଦ, କର୍ଣ୍ଣାଟକ ଓ ମାଡ୍ରାସ ହାଇକୋର୍ଟରେ ୧୧ ଜଣ ଆଡଭୋକେଟ ଓ ୨ ଜଣ ଜୁଡିସିଆଲ ଅଫିସରଙ୍କୁ ଅତିରିକ୍ତ ବିଚାରପତି ଭାବେ ନିଯୁକ୍ତି ଦେବା ଲାଗି କେନ୍ଦ୍ରର ବିଜ୍ଞପ୍ତି ପରେ ବଢିଛି ବିବାଦ ।

ବଡ କଥା ହେଉଛି- ଭିକ୍ଟୋରିଆ ଗୌରୀ ବିଜେପି ସହ ଜଡ଼ିତ ଥିବାରୁ କ୍ଷୁବ୍ଧ ହୋଇଛନ୍ତି ସର୍ବୋଚ୍ଚ ଅଦାଲତ । ପୂର୍ବରୁ ଗୌରୀ କେନ୍ଦ୍ର ସରକାରଙ୍କ ପକ୍ଷରୁ ମାଡ୍ରାସ ହାଇକୋର୍ଟର ମଦୁରାଇ ବେଞ୍ଚରେ ପ୍ରତିନିଧିତ୍ବ କରିଥିଲେ । ପରେ ତାଙ୍କର ବିଜେପି ଲିଙ୍କ ସ୍ପଷ୍ଟ ହୋଇଥିଲା । ଗୌରୀ ଖ୍ରୀଷ୍ଟିଆନ ଓ ମୁସଲିମମାନଙ୍କ ବିରୋଧରେ ହେଟ୍ ସ୍ପିଚ କରିଆସୁଥିବାରୁ ତାଙ୍କୁ ହଟାଇବା ଲାଗି ସିଜେଆଇଙ୍କ ନିକଟକୁ ଚିଠି ଲେଖିଥିଲେ ମାଡ୍ରାସ ହାଇକୋର୍ଟର କେତେକ ସଦସ୍ୟ ।