ନ୍ୟାୟ ପାଇଁ ସୁପ୍ରିମକୋର୍ଟରେ ମଣିପୁର ପୀଡ଼ିତାଙ୍କ ଗୁହାରୀ, ଆଜି ଶୁଣାଣି

ଇମ୍ପାଲ: ମଣିପୁରରୁ ବର୍ବର ଭିଡିଓ ଭାଇରାଲ ପ୍ରସଙ୍ଗ । ନ୍ୟାୟ ପାଇଁ ସୁପ୍ରିମକୋର୍ଟରେ ପୀଡ଼ିତା ମହିଳାଙ୍କ ଗୁହାରୀ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ପିଟିସନ ଦାଏର କରିଛନ୍ତି ପୀଡ଼ିତା । ଆଜି ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ମାମଲାର ଶୁଣାଣି କରିବେ ।

ମେ ୩ ତାରିଖରୁ ମଣିପୁରରେ ହିଂସା ସ୍ଥିତି ଉପୁଜିଥିବା ବେଳେ ୪ ତାରିଖରେ ଦୁଇ ମହିଳାଙ୍କୁ ଉଲଗ୍ନ କରି ପରେଡ କରାଯାଇଥିଲା । ପରେ ୨୧ ବର୍ଷିୟା ଯୁବତୀଙ୍କ ସହ ଗଣଦୁଷ୍କର୍ମ ହୋଇଥିଲା । ରାଜ୍ୟ ସରକାର ଘଟଣାକୁ ଚପାଇ ଦେବାକୁ ଚେଷ୍ଟା କରିଥିଲେ ବି ୬୦ ଦିନ ପରେ ମହିଳାଙ୍କୁ ପରେଡ କରାଇବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।

ପୀଡ଼ିତା ନିଜ ପରିଚୟର ସୁରକ୍ଷା ପାଇଁ ଦାବି କରିବା ସହ ତୁରନ୍ତ ଏହା ଉପରେ ଶୁଣାଣି ପାଇଁ ଦାବି କରିଥିଲେ । ଆଜି ପ୍ରଧାନ ବିଚାରପତିଙ୍କ ଖଣ୍ଡପୀଠ ଏହାର ଶୁଣାଣି କରିବେ ।