୨୬ ସପ୍ତାହ ଗର୍ଭସ୍ଥ ଶିଶୁର ଗର୍ଭପାତ ମାମଲା; ଏଭଳି ରାୟ ଦେଲେ ସୁପ୍ରିମକୋର୍ଟ
1 min read
ନୂଆଦିଲ୍ଲୀ: ଆମେ ହୃଦୟର ସ୍ପନ୍ଦନ ବନ୍ଦ କରି ପାରିବୁନି। ୨୬ ସପ୍ତାହ ଗର୍ଭସ୍ଥ ଶିଶୁର ଗର୍ଭପାତ କରିବାକୁ ନେଇ ହୋଇଥିବା ଆବେଦନକୁ ଖାରଜ କରି ଏହି ରାୟ ଶୁଣାଇଛନ୍ତି ସୁପ୍ରିମକୋର୍ଟ। ୨୬ ସପ୍ତାହର ଗର୍ଭବତୀ ଥିବା ଜଣେ ବିବାହିତା ମହିଳା ଗର୍ଭପାତ ପାଇଁ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ। ତେବେ ଏହାର ଶୁଣାଣି କରି ଗର୍ଭପାତ ଆବେଦନକୁ ରୋକଠୋକ୍ ମନା କରି ଦେଇଛନ୍ତି ସୁପ୍ରିମକୋର୍ଟ।
ସମ୍ପୃକ୍ତ ମହିଳାଙ୍କ ଗର୍ଭସ୍ଥ ଶିଶୁର କୌଣସି ମାନସିକ ବିକୃତ ନଥିବା ନେଇ AIIMSର ରିପୋର୍ଟ ପରେ ମହିଳାଙ୍କ ଆବେଦନକୁ ଖାରଜ କରି ଦେଇଛନ୍ତି ସୁପ୍ରିମକୋର୍ଟ। ମହିଳାଙ୍କ ଗର୍ଭରେ ୨୬ ମାସ ୫ ଦିନର ଭୃଣ ରହିଛି। ହସ୍ପିଟାଲରେ ଗର୍ଭପାତ ନେଇ ଥିବା ଆଇନର ଏହା ଧାରା ୩ ଏବଂ ୫ର ଉଲ୍ଲଂଘନ କରୁଛି ବୋଲି କହିଛନ୍ତି କୋର୍ଟ।
ସମ୍ପୃକ୍ତ ମହିଳାଙ୍କ ଜୀବନ ପ୍ରତି କୌଣସି ବିପଦ ନଥିବା ଏବଂ ଗର୍ଭରେ ଥିବା ଭୃଣର କୌଣସି ଅକ୍ଷମତା ନଥିବା କହିଛନ୍ତି ସୁପ୍ରିମକୋର୍ଟଙ୍କ ମୁଖ୍ୟ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୁଡ। ବିବାହିତା ମହିଳାଙ୍କ ଗର୍ଭରେ ୨୪ ସପ୍ତାହ ମଧ୍ୟରେ ଭୃଣର ହସ୍ପିଟାଲରେ ଗର୍ଭପାତ ନେଇ ନିୟମ ରହିଛି। ମହିଳାଙ୍କ ପୂର୍ବରୁ ୨ଟି ସନ୍ତାନ ଥିବାବେଳେ ସେ ତୃତୀୟ ସନ୍ତାନ ଚାହୁଁନଥିଲେ। ଗର୍ଭପାତ ଲାଗି ସେ ଆଇନଗତ ଭାବେ ବିଫଳ ହେବା ପରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ ।
