ସୁଧ ଉପରେ ସୁଧରେ ରିହାତି ଦେଲେ ଅଧିକ କ୍ଷତି ସହିବେ କେନ୍ଦ୍ର ସରକାର ତେଣୁ…

1 min read
Supreme Court Asked Centre How Much Prepared For Third Covid Wave

ନୂଆଦିଲ୍ଲୀ: ମୋରାଟୋରିୟମ ବା ସୁଧ ଉପରେ ସୁଧରେ ରିହାତି ଦେଲେ ଅଧିକ କ୍ଷତି ସହିବେ କେନ୍ଦ୍ର ସରକାର । କେନ୍ଦ୍ର ପକ୍ଷରୁ ସୁପ୍ରିମକୋର୍ଟରେ ରଖାଯାଇଥିବା ସତ୍ୟପାଠରେ ଏହା ଦର୍ଶାଯାଇଛି । ଯଦି କରୋନା କାଳରେ କୃଷିଋଣ ଉପରେ ବ୍ୟାଙ୍କ ଛାଡିଥିବା ଇଏମଆଇ ଉପରେ ସୁଧ ଛାଡ କରାଯାଏ ତେବେ କେନ୍ଦ୍ର ଉପରେ ୬ ଲକ୍ଷ କୋଟି ଟଙ୍କାର ଅତିରିକ୍ତ ବୋଝ ପଡିବ ।

ତେଣୁ ବ୍ୟାଙ୍କ ଏହା ଉପରେ ବିଚାର କରେ ତେବେ ମୋଟ ଆୟର ବଡ ଅଂଶ ହରାଇବ ବୋଲି କହିଛନ୍ତି କେନ୍ଦ୍ର ସରକାର । କେନ୍ଦ୍ର ସରକାର ଅନ୍ତତଃ କୃଷି ଋଣ ଉପରେ ଚକ୍ରବୃଦ୍ଧି ସୁଧ ନେଇ ବିଚାର କରି ଜଣାଇବାକୁ ସୁପ୍ରିମକୋର୍ଟ ଜଣାଇଥିଲେ । ଏନେଇ ଆଜି ଜଷ୍ଟିସ ଅଶୋକଭୂଷଣ, ଜଷ୍ଟିସ ଆର ସୁବାସ ରେଡ୍ଡୀ ଓ ଜଷ୍ଟିସ୍ ଏମଆର ଶାହାଙ୍କ ଖଣ୍ଡ ପୀଠ ନିକଟରେ ସିଲିସିଟର ଜେନେରାଲ ତୁଷାର ମେହେଟ୍ଟା ସତ୍ୟପାଠ ଦାଖଲ କରିବା ସହ ଅବଗତ କରାଇଛନ୍ତି ।

ଏପରି କରିବାଦ୍ୱାରା ବ୍ୟାଙ୍କଗୁଡିକର ଅସ୍ତିତ୍ୱ ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇପାରେ ବୋଲି ଜଣାଇଛନ୍ତି ସିଲିସିଟର ଜେନେରାଲ । ଏସବିଆଇ ପକ୍ଷରୁ କୁହାଯାଇଛି ଯେ, ମୋରାଟୋରିୟମ ସମୟ ୬ ମାସ ଅବଧି ମଧ୍ୟରେ ଋଣ ଗ୍ରହିତାଙ୍କ ସୁଧ ପାଖାପାଖି ୮୮ କୋଟି ୭୮ ଲକ୍ଷ ଟଙ୍କା । ଯଦି ଚକ୍ରବୃଦ୍ଧି ସୁଧ ଛାଡ଼ କରାଯାଏ ତେବେ ୭୫ କୋଟି ୧୫୭ ଲକ୍ଷ ଟଙ୍କା ଦେବାକୁ ପଡିବ ।

Opn Commnet Area

Leave a Reply

Your email address will not be published. Required fields are marked *