ସୁପ୍ରିମ୍କୋର୍ଟଙ୍କ ଅନୁଭବଙ୍କୁ ପ୍ରଶ୍ନ,ମାମଲା ସ୍ଥାନାନ୍ତର କରିବାରେ ଅସୁବିଧା କ’ଣ ?
କଟକ: ସାଂସଦ ଅନୁଭବ ମହାନ୍ତିଙ୍କୁ ସୁପ୍ରିମକୋର୍ଟଙ୍କ ନୋଟିସ୍ । ବିବାଦରେ ସାଂସଦଙ୍କ ଦାମ୍ପତ୍ତ୍ୟ ଜୀବନ । ଅଭିନେତ୍ରୀ ବର୍ଷା ଓ ସାଂସଦ ଅନୁଭବ ମହାନ୍ତିଙ୍କ ପାରିବାରିକ ବିବାଦ ମାମଲାରେ ସୁପ୍ରିମ୍କୋର୍ଟଙ୍କ ପକ୍ଷରୁ ଅନୁଭବଙ୍କୁ ନୋଟିସ ଜାରି କରାଯାଇଛି । ଏହା ସହିତ ଉଭୟ ପକ୍ଷ ପରସ୍ପର ସହ ଆଲୋଚନା କରିବା ପାଇଁ ସୁପ୍ରିମ୍କୋର୍ଟ ପରାମର୍ଶ ଦେଇଛନ୍ତି ।
ତେବେ ଅନୁଭବ କାହିଁକି ମାମଲା ସ୍ଥାନାନ୍ତର କରୁନାହାଁନ୍ତି ଏନେଇ ସୁପ୍ରିମ୍କୋର୍ଟଙ୍କ ପକ୍ଷରୁ ପ୍ରଶ୍ନ କରାଯାଇଛି । ଆପଣଙ୍କୁ କହି ରଖୁଛୁ ଯେ, ଅନୁଭବ ପଟିଆଲା ହାଉସକୋର୍ଟରେ କରିଥିବା ମାମଲା କଟକ ସ୍ଥାନାନ୍ତର ପାଇଁ ବର୍ଷା ପୂର୍ବରୁ ଆବେଦନ କରିଥିଲେ । ପ୍ରଥମେ ଅନୁଭବ ଛାଡ଼ପତ୍ର ପାଇଁ ପଟିଆଲା କୋର୍ଟରେ ପିଟିସନ ଦାଖଲ କରିଥିଲେ । ପରେ ବର୍ଷା ତାଙ୍କ ସମ୍ପର୍କଙ୍କୁ ବଞ୍ଚାଇବା ପାଇଁ କଟକ ଏସଡିଜେଏମ୍ କୋର୍ଟରେ ପାଲଟା ପିଟିସନ ଦାଖଲ କରିଥିଲେ ।
ସୂଚନା ଯୋଗ୍ୟ ଯେ, ଜୁଲାଇ ୧୬ରେ ସାଂସଦ ଅନୁଭବ ତାଙ୍କ ପତ୍ନୀ ବର୍ଷାଙ୍କ ବିରୋଧରେ ଦିଲ୍ଲୀର ପଟିଆଲା ହାଉସ୍ କୋର୍ଟରେ ପିଟିସନ୍ ଦାଖଲ କରିଥିଲେ ।୪୭ ପୃଷ୍ଠା ସମ୍ବଳିତ ପିଟିସନ୍ରେ ପତ୍ନୀ ବର୍ଷାଙ୍କ ବିରୋଧରେ ଅନୁଭବ ସଙ୍ଗୀନ ଅଭିଯୋଗ ଆଣିଛନ୍ତି । ବାହାଘରର ପ୍ରଥମ ଦିନରୁ ସମ୍ପର୍କ ରଖିବାକୁ ବର୍ଷା ଅରାଜି ଥିଲେ । ତାଙ୍କ ସହ ସମ୍ପର୍କ ରଖିବାକୁ ବର୍ଷା ୩ରୁ ୪ ମାସ ସମୟ ମାଗିଥିଲେ । ସେ ବର୍ଷାଙ୍କ ଇଚ୍ଛାକୁ ସମ୍ମାନ ଜଣାଇ ସମୟ ଦେଇଥିଲେ ।ବର୍ଷା ଅନେକ ସମୟରେ ଶାଶୂଘର ଛାଡ଼ି ବାପଘରେ ରହୁଥିଲେ ବୋଲି ଅନୁଭବ ତାଙ୍କ ପିଟିସନରେ ଉଲ୍ଲେଖ କରିଛନ୍ତି ।
