ଗୋଧ୍ରା ଗଣହତ୍ୟା ମାମଲାରେ ଆଜୀବନ ଜେଲଦଣ୍ଡ ଭୋଗୁଥିବା ଦୋଷୀକୁ ଜାମିନ ଦେଲେ ସୁପ୍ରିମକୋର୍ଟ

ନୂଆଦିଲ୍ଲୀ: ସୁପ୍ରିମକୋର୍ଟ ଗୁରୁବାର ୨୦୦୨ ଗୋଧ୍ରା ଟ୍ରେନ୍ କୋଚ୍ ଜଳାଇବା ଘଟଣାର ଦୋଷୀଙ୍କୁ ଜାମିନ ପ୍ରଦାନ କରିଛନ୍ତି । ଆଜୀବନ କାରାଦଣ୍ଡ ଭୋଗୁଥିବା ଦୋଷୀ ଫାରୁକ ଭାନାଙ୍କୁ ଜାମିନ ପ୍ରଦାନ କରିଛନ୍ତି ସୁପ୍ରିମକୋର୍ଟ । ଗୁରୁତ୍ୱପୂର୍ଣ୍ଣ କଥା ଏହା ଯେ, ପ୍ରଧାନବିଚାରପତି ଜଷ୍ଟିସ ଡି.ଓ୍ବାଇ. ଚନ୍ଦ୍ରଚୂଡ଼ ଓ ଜଷ୍ଟିସ ପିଏସ ନରସିହ୍ମାଙ୍କ ନେତୃତ୍ବରେ ଗଠିଥ ଖଣ୍ଡପୀଠ ଫାରୁକ ଭାନାଙ୍କୁ ଜାମିନ ଦେଇଛନ୍ତି । ଅଯୋଧ୍ୟାରୁ ସାବରମତୀ ଏକ୍ସପ୍ରେସରେ କରସେବକମାନେ ଫେରୁଥିବାବେଳେ ଗତ ୨୦୦୨ ଫେବ୍ରୁଆରୀ ୨୭ରେ ସେମାନଙ୍କ ଉପରେ ହୋଇଥିଲା ଆକ୍ରମଣ । ଟ୍ରେନରେ ନିଆଁ ଲଗାଇଦିଆଯିବା ଯୋଗୁ ପ୍ରାଣ ହରାଇଥିଲେ ୫୯ କରସେବକ ।

ଏହାପରେ ସାରା ରାଜ୍ୟରେ ଦଙ୍ଗା ସୃଷ୍ଟି ହୋଇଥିଲା । ଫାରୁକଙ୍କୁ ଜାମିନ ନେଇ ସିଜେଆଇ କହିଛନ୍ତି- ଫାରକୁ ୧୭ ବର୍ଷ ଧରି ଜେଲଦଣ୍ଡ ଭୋଗିଲେଣି । ତେଣୁ ତାଙ୍କୁ ଜାମିନ ଦିଆଗଲା । ଫାରୁକଙ୍କ ଜାମିନକୁ ତୀବ୍ର ବିରୋଧ କରିଥିଲେ ସଲିସିଟର ଜେନେରାଲ ତୁଷାର ମେହତା । ଗତ ୨୦୧୮ରେ ଫାରୁକଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା । ଗୋଧ୍ରା ଟ୍ରେନର ଏସ-୬ କୋଚରେ ନିଆଁ ଲଗାଇବା ଲାଗି ଫାରୁକ ଲୋକଙ୍କୁ ଉସୁକାଇଥିବା ଅଭିଯୋଗ ହୋଇଥିଲା । ଫାରୁକ ସମେତ ଅନେକ ଲୋକଙ୍କୁ ସାବରମତୀ ଏକ୍ସପ୍ରେସର କୋଚ୍ ଉପରେ ପଥର ଫୋପାଡ଼ିବାରେ ଦୋଷୀ ସାବ୍ୟସ୍ତ କରାଯାଇଥିଲା ।

ଗୁଜୁରାଟ ସରକାରଙ୍କ ପକ୍ଷରୁ ହାଜର ସଲିସିଟର ଜେନେରାଲ ତୁଷାର ମେହତା କହିଥିଲେ ଯେ, ଏହା ସବୁଠୁ ଜଘନ୍ୟ ଅପରାଧ ଥିଲା । ଯେଉଁଥିରେ ମହିଳା ଓ ଶିଶୁମାନଙ୍କ ସମେତ ୫୯ ଜଣଙ୍କୁ ଜୀଅନ୍ତା ଜଳାଇ ଦିଆଯାଇଥିଲା ଏବଂ ଦୋଷୀଙ୍କମାନଙ୍କ ଆବେଦନ ଉପରେ ଶୀଘ୍ରରୁ ଅତିଶୀଘ୍ର ଶୁଣାଣି କରିବାର ଆବଶ୍ୟକତା ରହିଛି । ଫାରୁକ ସମେତ ଅନେକ ଲୋକଙ୍କୁ ଗୋଧ୍ରାରେ ସାବରମତୀ ଏକ୍ସପ୍ରେସର କୋଚ ଉପରକୁ ପଥରମାଡ଼ କରିବାର ଦୋଷୀ ସାବ୍ୟସ୍ତ କରାଯାଇଥିଲା । ମେହତା କହିଥିଲେ ଯେ, ସାଧାରଣତଃ ପଥରମାଡ଼ କରିବା ସାଧାରଣ ଧରଣର ଅପରାଧ ଜଣାଯାଇଥାଏ କିନ୍ତୁ ଉକ୍ତ ମାମଲାରେ ଟ୍ରେନର କୋଚକୁ ଅଲଗା କରାଯାଇଥିଲା ।

ଏହା ସୁନିଶ୍ଚିତ ସୁନିଶ୍ଚିତ କରିବା ପାଇଁ ତା ଉପରେ ପଥରମାଡ଼ କରାଯାଇଥିଲା ଯେ ଯାତ୍ରୀମାନେ କିପରି ବାହାରକୁ ନଆସିପାରିବେ । ଗତ ଶୁଣାଣିରେ ମଧ୍ୟ ଗୁଜୁରାଟ ସରକାର ସୁପ୍ରିମକୋର୍ଟରେ ଦୋଷୀଙ୍କ ଜାମିନକୁ ବିରୋଧ କରିଥିଲେ । ସୁପ୍ରିମକୋର୍ଟ ଶୁଣାଣିରେ କହିଥିଲେ ଯେ, ଏହି ଜଘନ୍ୟ କାଣ୍ଡରେ ସାମିଲ ସମସ୍ତ ଦୋଷୀମାନଙ୍କ ମଧ୍ୟରେ ଅନେକ ପଥର ଫେକାଳି ମଧ୍ୟ ଥିଲେ । ସେମାନେ ଦୀର୍ଘ ସମୟ ଜେଲରେ କାଟି ସାରିଛନ୍ତି । ଏହି କାରଣରୁ କିଛିଙ୍କୁ ଜାମିନରେ ଛଡ଼ାଯିବାରେ କୌଣସି ଅସୁବିଧା ନାହିଁ ।