ପୁରୀରେ ରଥଯାତ୍ରାକୁ ସୁପ୍ରିମକୋର୍ଟଙ୍କ ସର୍ତ୍ତମୂଳକ ଅନୁମତି
ନୂଆଦିଲ୍ଲୀ: ବଡ଼ଦାଣ୍ଡରେ ଗଡ଼ିବ ତିନିରଥ । ସୁପ୍ରିମକୋର୍ଟଙ୍କ ୩ ଜଣିଆ ଖଣ୍ଡପୀଠ ପୁରୀରେ ରଥ ଯାତ୍ରା ନେଇ ସର୍ତ୍ତମୂଳକ ଅନୁମତି ଦେଇଛନ୍ତି । ପୁରୀରେ କର୍ଫ୍ୟୁ ମଧ୍ୟରେ ହେବ ରଥଯାତ୍ରା । କୋଟି କୋଟି ଭକ୍ତଙ୍କ ପ୍ରାର୍ଥନାର ପଣ ରଖିଲେ ଭାବର ଠାକୁର । ରଥଯାତ୍ରା ପାଇଁ କୋର୍ଟଙ୍କ ନିଷ୍ପତ୍ତି ଆସିବା ପରେ ଶ୍ରୀମନ୍ଦିର ଭିତରୁ ରଥକୁ ଛୁଟି ଆସିବେ ବଡ଼ ଠାକୁର ବଳଭଦ୍ର, ସାନ ଭଉଣୀ ସୁଭଦ୍ରା ଏବଂ ମହାପ୍ରଭୁ ଜଗନ୍ନାଥ । ରଥାରୂଢ଼ ବେ ଚତୁର୍ଦ୍ଧା ମୂର୍ତ୍ତି ।
କରୋନା ପାଇଁ ରଥଯାତ୍ରା ହେବ କି ନାହିଁ ଆଶଙ୍କା ରହିଥିଲା । ପ୍ରଥମେ ହାଇକୋର୍ଟ ଏବଂ ପରେ ସୁପ୍ରିକୋର୍ଟରେ ପହଞ୍ଚିଥିଲା ରଥଯାତ୍ରା ମାମଲା । ପ୍ରଥମେ ସୁପ୍ରିମକୋର୍ଟ ପୁରୀରେ ରଥଯାତ୍ରା ହେବନି ବୋଲି ନିଷ୍ପତ୍ତି ନେଇଥିଲେ । କିନ୍ତୁ ଆଜି ପୁନର୍ବାର ରିଭ୍ୟୁ ପିଟିସନ ରାଜ୍ୟ ସରକାରଙ୍କ ତରଫରୁ ଦାଖଲ କରାଯାଇଥିଲା ।
