ଦିଲ୍ଲୀରେ କରୋନାର ପଞ୍ଚମ ପ୍ରବାହ, ଆଜି ୧୦ ହଜାରରୁ ଅଧିକ ମାମଲା ଆସିବା ନେଇ ସ୍ୱାସ୍ଥ୍ୟମନ୍ତ୍ରୀଙ୍କ ଆଶଙ୍କା

ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ବଢ଼ୁଥିବା ସଂକ୍ରମଣ ମାମଲା ବଡ଼ ବିପଦର ସଂକେତ ଦେଉଛି । ଦେଶରେ କରୋନାର ତୃତୀୟ ପ୍ରବାହ ଆସିଥିବା ବେଳେ ଦିଲ୍ଲୀରେ କରୋନାର ପଞ୍ଚମ ପ୍ରବାହ ଆସିଛି । ଆଜି ଦିଲ୍ଲୀରେ ଚିହ୍ନଟ ହୋଇପାରନ୍ତି ୧୦ ହଜାର ସଂକ୍ରମିତ । କରୋନା ମାମଲା ବୃଦ୍ଧି ପାଉଥିବା ବେଳେ ଏଭଳି କହିଛନ୍ତି ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ । ସେ କରିଛନ୍ତି ଆଜି ୧୦ ହଜାରରୁ ଅଧିକ ସଂକ୍ରମିତ ଚିହ୍ନଟ ହେବା ସହ ଏବଂ ପଜିଟିଭିଟି ରେଟ୍ ୧୦ ପ୍ରତିଶତ ହୋଇଯିବ । ଗୋଟିଏ ଦିନ ପୂର୍ବରୁ ମଙ୍ଗଳବାର ଦିଲ୍ଲୀରେ କରୋନାର ୫ ହଜାର ୫୦୦ ମାମଲା ଆସିବା ସଂକ୍ରମଣ ହାର ୮.୫ ପ୍ରତିଶତ ରହିଥିଲା ।

Delhi is likely to report around 10,000 COVID infections today, with the daily positivity rate rising to nearly 10%. The third wave of COVID-19 has set in: Delhi Health Minister Satyendar Jain pic.twitter.com/czhj4rvniT

— ANI (@ANI) January 5, 2022

ବଢ଼ୁଥିବା ସଂକ୍ରମଣକୁ ଦେଖି ଦିଲ୍ଲୀରେ ସପ୍ତାହାନ୍ତ କର୍ଫ୍ୟୁ ଲଗାଯାଇଛି । ତେବେ ଚିନ୍ତା ହେଉଛି କଡ଼ା କଟକଣା ପରେ ସଂକ୍ରମଣ ମାମଲା ଏପରି ବଢ଼ିଲେ ସ୍ଥିତି ଉଦବେଗଜନକ ହୋଇଯିବ । ଏପରିକି ଦୈନିକ ଆକ୍ରାନ୍ତଙ୍କ ସଂଖ୍ୟା ୧ ଲକ୍ଷ ଯାଏ ପହଞ୍ଚିପାରେ । ସୋମବାର ଦିଲ୍ଲୀରେ ୪ ହଜାର ୯୯ ଜଣ ସଂକ୍ରମିତ ଚିହ୍ନଟ ହେବା ସହ ସଂକ୍ରମଣ ହାର ୬.୪୬ ପ୍ରତିଶତ ଥିଲା ।

ଦିଲ୍ଲୀକୁ ଅଧିକାଂଶ ଲୋକ ବାହାରୁ ଆସୁଥିବାରୁ ସଂକ୍ରମଣର ବିପଦ ଅଧିକ ରହୁଛି । ସ୍ୱାସ୍ଥ୍ୟମନ୍ତ୍ରୀଙ୍କ ଅନୁସାରେ, କରୋନା ପୂରା ଦେଶରେ ବ୍ୟାପୁଛି । ଏବେ ଆକ୍ରାନ୍ତଙ୍କ ଠାରେ ସ୍ୱଳ୍ପ ଲକ୍ଷଣ ଦେଖା ଯାଉଛି । ଏବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସ୍ୱାସ୍ଥ୍ୟ ଠିକ୍ ଥିବା ସୂଚନା ଦେଇଛନ୍ତି ସତ୍ୟେନ୍ଦ୍ର ଜୈନ୍ ।