ସତ୍ୟ ରଞ୍ଜନ ସାହୁ ହେଲେ ମାଧ୍ୟମିକ ଶିକ୍ଷା ପରିଷଦର ନିର୍ଦ୍ଦେଶକ

ଭୁବନେଶ୍ୱର: ମାଧ୍ୟମିକ ଶିକ୍ଷା ପରିଷଦର ନୂଆ ନିର୍ଦ୍ଦେଶକ ହେଲେ ଓଏଏସ୍ ସତ୍ୟ ରଞ୍ଜନ ସାହୁ । ଓସଡମାର କାର୍ଯ୍ୟକାରୀ ନିର୍ଦ୍ଦେଶକ ଥିବା ସତ୍ୟ ରଞ୍ଜନ ସାହୁଙ୍କୁ ମାଧ୍ୟମିକ ଶିକ୍ଷା ପରିଷଦର ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଛି । ଏଥିସହ ଶ୍ରୀ ସାହୁ ଅତିରିକ୍ତ ଭାବେ ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଅଧ୍ୟକ୍ଷ ଦାୟିତ୍ୱ ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ତୁଲାଇବେ ।

ଏନେଇ ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ପକ୍ଷରୁ ନୋଟିଫିକେସନ୍ ପ୍ରକାଶ ପାଇଛି । ଅନ୍ୟପଟେ କେନ୍ଦ୍ରୀୟ ଡେପୁଟେସନରେ ଯିବେ ୨୦୧୦ ଓଡ଼ିଶା କ୍ୟାଡରର ଆଇପିଏସ୍ କେ. ଶିବା ସୁବ୍ରମଣି । ବର୍ତ୍ତମାନ କେ. ଶିବା ସୁବ୍ରମଣି ଢେଙ୍କାନାଳ ଏସପି ଅଛନ୍ତି ।

କେନ୍ଦ୍ର ଗୃହ ମନ୍ତ୍ରଣାଳୟ କେ. ଶିବାଙ୍କୁ ସିବିଆଇ ଏସପି ଭାବେ ନିଯୁକ୍ତ କରିଛି । ସେ ଯୋଗ ଦେବା ଠାରୁ ୪ ବର୍ଷ କିମ୍ବା ପରବର୍ତ୍ତୀ ନିର୍ଦ୍ଦେଶନାମା ଯାଏଁ କେନ୍ଦ୍ରୀୟ ଡେପୁଟେସନରେ ଯିବେ ।