କଣ୍ଟେନମେଣ୍ଟ ଜୋନ୍ ଘୋଷଣା କଲା ବିଏମ୍ସି: ଜାରି ହେଲା ହେଲ୍ପଲାଇନ୍ ନମ୍ୱର
ଭୁବନେଶ୍ୱର: ସତ୍ୟନଗରକୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛି ଭୁବନେଶ୍ୱର ମ୍ୟୁନସିପାଲଟି କର୍ପୋରେସନ୍ । ଜଣେ କରୋନା ସଂକ୍ରମିତ ସେହି ଅଞ୍ଚଳରୁ ଚିହ୍ନଟ ହେବା ପରେ ଏଭଳି ପଦକ୍ଷେପ ନେଇଛି ପ୍ରଶାସନ ।
ସତ୍ୟନଗର ଛକରୁ କାଳୀ ମନ୍ଦିର ଛକ, କାଳୀ ମନ୍ଦିର ଛକରୁ ପତଞ୍ଜଳି ଷ୍ଟୋର, ପତଞ୍ଜଳି ଷ୍ଟୋରରୁ ବ୍ୟାଙ୍କ ଆଫ୍ ଇଣ୍ଡିଆାର ଅଫିସରର୍ସ କ୍ୱାର୍ଟର୍ସ, ବ୍ୟାଙ୍କ ଆଫ୍ ଇଣ୍ଡିଆାର ଅଫିସରର୍ସ କ୍ୱାର୍ଟର୍ସରୁ ସତ୍ୟନଗର ଛକରେ ଥିବା ବିଗ୍ ବଜାର ପର୍ଯ୍ୟନ୍ତ ଅଞ୍ଚଳ ସିଲ୍ କରାଯାଇଛି । ଏହା ଭିତରକୁ କାହାକୁ ଛଡ଼ାଯିବ ନାହିଁ । କି ବାହାର ଲୋକ ନିଷେଧାଞ୍ଚଳ ଭିତରକୁ ଆସିପାରିବେ ନାହିଁ । ବିଏମ୍ସି ପକ୍ଷରୁ ଲୋକଙ୍କୁ ସେମାନଙ୍କ ଆବଶ୍ୟକୀୟ ସାମଗ୍ରୀ ଯୋଗାଇଦିଆଯିବ । ଏହି କଣ୍ଟେନ୍ମେଣ୍ଟ ଜୋନ ଭିତରରେ ଥିବା ସମସ୍ତ ସରକାରୀଓ ବେସରକାରୀ କାର୍ଯ୍ୟାଳୟ ବନ୍ଦ ରହିବ । ଏ ଅଞ୍ଚଳର ସମସ୍ତ ବାସିନ୍ଦାଙ୍କୁ ଘରୁ ବାହାରିବା ମନା । ସମ୍ପୃକ୍ତ ଅଞ୍ଚଳବାସୀଙ୍କ ପାଇଁ ୧୯୨୯ ହେଲ୍ପଲାଇନ୍ ନମ୍ୱର ଜାରି କଲା ବିଏମ୍ସି ।
