ଶିକ୍ଷାନୁଷ୍ଠାନ ଖୋଲିବା ନେଇ ଚୁଡାନ୍ତ ନିଷ୍ପତ୍ତି ନେବେ ରାଜ୍ୟ ସରକାର

ଭୁବନେଶ୍ୱର: ଖୁବଶୀଘ୍ର ଖୋଲିପାରେ ଶିକ୍ଷାନୁଷ୍ଠାନ । କଲେଜ ଖୋଲିବାକୁ ନେଇ ଗାଇଡଲାଇନ ରାଜ୍ୟ ସରକାର ପ୍ରସ୍ତୁତ କରିବେ । ପାଖାପାଖି ୩ ମାସ କ୍ଲାସରେ ପଢା ହେବାପରେ ପରୀକ୍ଷା ହେବ । ଚଳିତ ବର୍ଷ ପିଲାଙ୍କ ମଧ୍ୟରେ ପାଠ୍ୟକ୍ରମରକୁ ନେଇ ଅନେକ ଦ୍ୱନ୍ଦ ରହିଥିଲା । ତେବେ ଶିକ୍ଷାନୁଷ୍ଠାନ ଖୋଲିବା ନେଇ ଏହାର ଚୂଡ଼ାନ୍ତ ନିଷ୍ପତ୍ତି ରାଜ୍ୟ ସରକାର ନେବେ । ଯଦି ସ୍କୁଲ ଖୋଲିବାରେ ଜାନୁଆରୀ କିମ୍ବା ଫେବ୍ରୁଆରୀରୁ ଅଧିକ ବିଳମ୍ବ ହୁଏ ତେବେ ପାଠ୍ୟ କ୍ରମ କମାଯିବା ସହ ପରୀକ୍ଷା ମଧ୍ୟ ଘୁଞ୍ଚା ଯାଇପାରେ ।

ତେବେ ନୂଆବର୍ଷରେ ଚୁଡାନ୍ତ ନିଷ୍ପତ୍ତି ନେଇପାରନ୍ତି ରାଜ୍ୟ ସରକାର । ନୂଆ ବର୍ଷରେ ଛାତ୍ରଛାତ୍ରୀ କଲେଜରେ କ୍ଲାସ କରିବେ ବୋଲି ଆଶା କରିଛନ୍ତି ଉଚ୍ଚଶିକ୍ଷା ସଚିବ ଶାଶ୍ୱତ ମିଶ୍ର । ଉଚ୍ଚଶିକ୍ଷା ସଚିବ ଶାଶ୍ୱତ ମିଶ୍ର କହିଛନ୍ତି ଯେ, UG ଓ PG ପାଇଁ ସେମିଷ୍ଟର ଘୁଞ୍ଚିବ । ୭୦-୮୦ ଦିନ ପାଠ କ୍ଲାସରେ ପଢେଇ ପରୀକ୍ଷା କରାଯିବ । କଲେଜ ଖୋଲିବାରେ ବିଳମ୍ବ ହେଲେ ସିଲାବସ କମାଇବା କଥା ଚିନ୍ତା କରାଯାଇପାରେ ବୋଲି ଶାଶ୍ୱତ ମିଶ୍ର କହିଛନ୍ତି  । ତେବେ ଅନଲାଇ ପାଠପଢାକୁ ନେଇ ପରୀକ୍ଷା କଲେ, ଫେଲ ପ୍ରତିଶତ ବଢିବ ବୋଲି ସେ କହିଛନ୍ତି  ।