ବିଜେପି ମାର୍କା ୱାଶିଂ ମେସିନରୁ ସଫାସୁତୁରା ହୋଇ ବାହାରିଛନ୍ତି ବୈଜୟନ୍ତ: ସସ୍ମିତ ପାତ୍ର
![](https://nandighoshatv.com/wp-content/uploads/2024/05/BJP-ୱାଶିଂ-ମେସିନରେ-ଧୁଆ-ହୋଇଛନ୍ତି-ବୈଜୟନ୍ତ-2-1024x576.jpg)
ଭୁବନେଶ୍ୱର: ବିଜେପିକୁ ପୁଣି ଧୋଇଲା ବିଜେଡି । ଗୁଣ୍ଡା, ଲୁଟେରାଙ୍କୁ ଦଳରେ ମିଶାଇ କ୍ଲିନଚିଟ ଦେବା ନେଇ ପ୍ରେସମିଟ କରି କଡ଼ାଭାଷାରେ ନିନ୍ଦା କରିଛି ବିଜେଡି । କହିଛି, ଓଡ଼ିଶା ବିଜେପିର ଅନନ୍ୟ, ଅଦ୍ଵିତୀୟ ୱାଶିଂ ମେସିନ ଅଛି । ବିଜେଡିରୁ ଗୁଣ୍ଡା, ଲୁଟେରାଙ୍କୁ ତଡାଗଲେ ବିଜେପି ସେମାନଙ୍କୁ କୋଳେଇ ନେଇ ସେହି ଅଦ୍ଵିତୀୟ ୱାଶିଂ ମେସିନରେ ପୂରାଇ ନିର୍ମଳ ଭାବମୂର୍ତ୍ତିରେ ପରିଣତ କରିଥାନ୍ତି । ତାଙ୍କୁ ପରବର୍ତ୍ତୀ ସମୟରେ ପୋଷ୍ଟର ବୟ କରେ ବିଜେପି । ନିର୍ବାଚନରେ ଦଳୀୟ ପ୍ରାର୍ଥୀ କରନ୍ତି ।
ବୈଜୟନ୍ତ ପଣ୍ଡାଙ୍କ ଉଦାହରଣ ଦେଇ ବିଜେଡି, ତାଙ୍କୁ ୱାଶିଂ ମେସିନରୁ ଧୋଇ ହୋଇ ବାହାରିଥିବା ନେତା କହିଛି । ବୈଜୟନ୍ତ ଚଞ୍ଚକତା କରି ଏସସି ଜମିକୁ କମ୍ପାନୀ ଆଳରେ ସରୁଅରେ ନେଇଗଲେ । ସେଠି ଷ୍ଟୁଡିଓ କରି କୋଟି କୋଟି ଟଙ୍କା ରୋଜଗାର କରୁଛନ୍ତି । ହେଲେ ଗରିବ ଜମି ଫେରାଇବାକୁ ନାରାଜ । ଆଶ୍ଚର୍ଯ୍ୟ କଥା, ସେ ବାରମ୍ବାର କହିଛନ୍ତି ଗରିବଙ୍କ ନେତା, ସେ କୋଟି କୋଟି ଟଙ୍କା ରୋଜଗାର କରୁଛନ୍ତି । ହେଲେ ଗରିବଙ୍କ ୫ ଏକର ଜମି ଫେରାଇବାକୁ ନାରାଜ । ବୈଜୟନ୍ତଙ୍କ ଟିଭି କମ୍ପାନୀକୁ ତିନୋଟି ବାହାର କମ୍ପାନୀରୁ ୧୭ କୋଟି କଳା ଧନ ଆସିଲା । ଏହି ମାମଲା ଦିଲ୍ଲୀ ହାଇକୋର୍ଟରେ ବିଚାରାଧୀନ ରହିଛି । ଯାହା ବାହାମାସ ସ୍କାମ ନାଁରେ ପରିଚିତ ।
ଆଜିକାଲି ବୈଜୟନ୍ତ ପଣ୍ଡା ବିଜୁଳି କଥା କହୁଛନ୍ତି । ୨୦୧୭, ୨୦୦୧୮ ଓ ୨୦୧୯ ରେ ତାଙ୍କ ମାଲିକାନାର କମ୍ପାନୀ ବିଜୁଳି ଦେୟ ୪୮୦ କୋଟି ଦେଇଥାନ୍ତେ । ଯେତେବେଳେ ପେମେଣ୍ଟ କରିବାକୁ କୁହାଗଲା, ସୁପ୍ରିମକୋର୍ଟ ଗଲେ ଓ ଦେବେନି ବୋଲି କହିଲେ । ଏହି ବିଲ ଦେଇଥିଲେ, ଅନେକ ଭଲ କାମ ହୋଇ ପାରିଥାନ୍ତା । ୨୩ଶହ କୋଟି ଋଣ ବୈଜୟନ୍ତ ପଣ୍ଡାଙ୍କ କମ୍ପାନୀ ଉପରୁ ଛାଡ଼ କରିଥିଲେ ବିଭିନ୍ନ ବ୍ୟାଙ୍କ । ଚାଷୀ କି ମଧ୍ୟବିତ୍ତଙ୍କ ଋଣ ଛାଡ଼ ହେଉନି । ଯଦି ଏହି ଟଙ୍କା ଛାଡ଼ ହୋଇ ନଥାନ୍ତା, ସ୍କୁଲ ହସ୍ପିଟାଲ ହୋଇ ପାରିଥାନ୍ତା । ସେ ବିଷୟରେ ପଦେ କହୁ ନାହାନ୍ତି ବୈଜୟନ୍ତ।
ସେହିପରି ପ୍ରଶାନ୍ତ ଜଗଦେବଙ୍କ ସ୍ଥାନ ଜେଲରେ ବୋଲି ଅପରାଜିତା ଷଡ଼ଙ୍ଗୀ କହୁଥିଲେ । ଆଜି କହୁଛନ୍ତି କର୍ମଠ । ସେହି ଲୋକଙ୍କୁ ଡ଼ିଫେଣ୍ଡ କରୁଛନ୍ତି ଯିଏ ବିଜେପି କର୍ମୀଙ୍କୁ ଆକ୍ରମଣ କରିଥିଲେ । ପ୍ରଦୀପ ପାଣିଗ୍ରାହୀ ଵି ବିଜେପିରେ ମିଶିଲେ । ସେ ଯୁବକଙ୍କୁ ଟାଟାରେ ଚାକିରୀ କରାଇଦେବା ନାଁରେ ଠକୁଥିଲେ । ବିଜେପି ତାଙ୍କୁ ସଂସଦ ପଠାଇବାକୁ ପ୍ରାର୍ଥୀ କଲା । ସେ ସମସ୍ତଙ୍କ ବିରୋଧରେ ବିଜେପି ସହ ଆନ୍ଦୋଳନ କରୁଥିଲେ । ପ୍ରଦୀପ ପାଣିଗ୍ରାହୀଙ୍କୁ ଚିଟ ଫଣ୍ଡ ଚୋର କହୁଥିଲେ । ଏହା ବିଜେପିର ଅସଲ ଚେହେରା । ଜମି ଜବରଦଖଲକାରୀ, ଠକ, ଗୁଣ୍ଡା, କଳାବଜାରୀଙ୍କୁ ଫୁଳମାଳ ପକାଇ ସ୍ୱାଗତ କରି ପ୍ରାର୍ଥୀ କରେ ବିଜେପି । ଏହା ଦ୍ୱାରା ସ୍ପଷ୍ଟ ଯେ ଲୋକ କାହାକୁ ଭୋଟ ଦେବେ, କ୍ରିମିନାଲ ବିଜେପିକୁ ନା ବିକାଶ କରୁଥିବା ବିଜେଡିକୁ ।