ଭୁବନେଶ୍ୱର: ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ଵଶର୍ମା ଉପରେ ବର୍ଷିଲେ ବିଜେଡ଼ି ଜାତୀୟ ମୁଖପାତ୍ର ସସ୍ମିତ ପାତ୍ର। ଆସାମ ମୁଖ୍ୟମନ୍ତ୍ରୀ ହିମନ୍ତ ରାଜନୀତିରେ ଜଣେ ଜୋକର ଭାବରେ ସୁପରିଚିତ। ଯେତେବେଳେ ସେ ମୁହଁ ଖୋଲନ୍ତି ନାନା ଅଯୌକ୍ତିକ କଥା କହିଥାନ୍ତି। ତାଙ୍କ ରାଜ୍ୟରେ ମଧ୍ୟ ତାଙ୍କ କଥାକୁ କେହି ଗୁରୁତ୍ୱର ସହ ନିଅନ୍ତି ନାହିଁ। ତାଙ୍କ ନାଁ ଚିଟଫଣ୍ଡ କେଶରେ ଅଛି। ତାଙ୍କ ରାଜ୍ୟର ଋଣ ଭାର ମଧ୍ୟ ଢେର ଅଧିକା।
ସେ ନିଜ ରାଜ୍ୟକୁ ଦେବାଳିଆ କରି ସାରିଲେଣି। ସାରା ଦେଶରେ ଓଡ଼ିଶାର ବିତ୍ତୀୟ ବ୍ୟବସ୍ଥା ଭଲ। ତେଣୁ ସେ ଓଡ଼ିଶାକୁ ଆସି ବିତ୍ତୀୟ ବ୍ୟବସ୍ଥା ବାବଦରେ ଟିଉସନ ନିଅନ୍ତୁ। ତାଙ୍କ ରାଜ୍ୟରେ ଉଚିତ କାଯ୍ୟକରି ପାରିବେ। ଆସାମରେ ଚାକିରି ପାଇଁ ଯୁବକ ରାଜରାସ୍ତାରେ ଗୁହାରି କରୁଥିବା ବେଳେ ତାଙ୍କ ରାଜ୍ୟରେ ବେକାରୀ ସଂଖ୍ୟା ଓ ଦରଦାମ ଅଧିକ। ସ୍ୱାସ୍ଥ୍ୟ ସେବା ମଧ୍ୟ ସମ୍ପୂର୍ଣ୍ଣ ବିପର୍ଯ୍ୟସ୍ତ। ସେ ସମସ୍ତଙ୍କ ସାମ୍ନାରେ ନିଜର ଆବର୍ଜନାପୂର୍ଣ୍ଣ ମନ୍ତବ୍ୟ ଦେଇ ନିଜକୁ ହାସ୍ୟାସ୍ପଦ କରି ସାରିଛନ୍ତି। ଓଡ଼ିଶାର ବିଜେପି ତାଙ୍କୁ ପ୍ରଚାର ପାଇଁ ଆହୁରି ଆଣନ୍ତୁ। ସେ ଓଡ଼ିଶା ଆସିବା ଦ୍ୱାରା ବିଜେପିର ପ୍ରାର୍ଥୀ ମାନଙ୍କ ପରାଜୟ ଯଥେଷ୍ଟ ସୁନିଶ୍ଚିତ ହେଉଛି।
