ରାଜ୍ୟସଭା ଭିସି ପ୍ୟାନେଲରେ ସସ୍ମିତଙ୍କୁ ମିଳିଲା ପୁନଃନିଯୁକ୍ତି

ନୂଆଦିଲ୍ଲୀ: ବିଜେଡି ସାଂସଦ ଡକ୍ଟର ସସ୍ମିତ ପାତ୍ରଙ୍କୁ ପୁନଃନିଯୁକ୍ତି । ରାଜ୍ୟସଭା ଭିସି ପ୍ୟାନେଲରେ ସସ୍ମିତଙ୍କୁ ମିଳିଲା ପୁନଃନିଯୁକ୍ତି । ୨୦୨୦ରେ ପ୍ରଥମ ଥର ପ୍ୟାନେଲରେ ନିଯୁକ୍ତି ପାଇଥିଲେ ସସ୍ମିତ ପାତ୍ର । ୨୦୨୨ରେ ଦ୍ୱିତୀୟ ଥର ସସ୍ମିତ ପ୍ୟାନେଲରେ ରହିଥିଲେ । ଉଭୟ ଥର ତତ୍କାଳୀନ ଅଧ୍ୟକ୍ଷ ଭେଙ୍କୟାନାଇଡୁ ତାଙ୍କୁ ନିଯୁକ୍ତି ଦେଇଥିଲେ ।

ତୃତୀୟ ଥର ସସ୍ମିତଙ୍କୁ ନିଯୁକ୍ତି ଦେଇଥିଲେ ଜଗଦୀପ ଧନକାର । ଚତୁର୍ଥ ଥର ପାଇଁ ମଧ୍ୟ ରାଜ୍ୟସଭା ଅଧ୍ୟକ୍ଷ ଧନକାର ସସ୍ମିତଙ୍କୁ ନିଯୁକ୍ତି ଦେଇଛନ୍ତି । ରାଜ୍ୟସଭା ଭିସି ପ୍ୟାନେଲରେ ରେକର୍ଡ ଚତୁର୍ଥ ଥର ପାଇଁ ସାମିଲ ହୋଇଛନ୍ତି ସସ୍ମିତ । ଏପରି ନିଯୁକ୍ତି ପାଇବାରେ ସସ୍ମିତ ପାତ୍ର ପ୍ରଥମ ଓଡ଼ିଆ ସାଂସଦ ।