ରାଷ୍ଟ୍ରୀୟ ମର୍ଯ୍ୟାଦା ସହ ଜନ୍ମମାଟିରେ ଶଶାଙ୍କଙ୍କ ଶେଷକୃତ୍ୟ, ସମବେଦନା ଜଣାଇଲେ ପ୍ରଣବ ପ୍ରକାଶ ଦାସ
ଯାଜପୁର: ଜନ୍ମମାଟିରେ ସଂପର୍ଣ୍ଣ ହେଲା ସହିଦ ଶଶାଙ୍କ ଶେଖରଙ୍କ ଶେଷକୃତ୍ୟ । ରାଷ୍ଟ୍ରୀୟ ମର୍ଯ୍ୟାଦା ସହ ଯାଜପୁର କ୍ଷେତ୍ରପାଳ ଶ୍ମଶାନରେ ଶଶାକଙ୍କ ଶେଷକୃତ୍ୟ କରାଯାଇଛି । ପରିବାର ଲୋକ, ସ୍ଥାନୀୟ ରାଜନେତା, ପ୍ରଶାସନିକ ଅଧିକାରୀ ଓ ହଜାର ହଜାର ଲୋକ ଶଶାଙ୍କଙ୍କୁ ଅନ୍ତିମ ବିଦାୟ ଜଣାଇଛନ୍ତି ।
ଲଦାଖ ସୀମାରେ ମୁତୟନ ଥିବା ଶଶାଙ୍କ ଗତ ୧୯ ତାରିଖ ଦିନ ମୃତ୍ୟୁ ହୋଇଥିଲା । ସର୍ଚ୍ଚ ଅପେରସନ ବେଳେ ଗାଡ଼ିରେ ଯାଉଥିବା ସମୟରେ ଗାଡ଼ିକୁ ଶତ୍ରୁପକ୍ଷ ଆକ୍ରମଣ କରିଥିଲେ । ଫଳରେ ଗାଡ଼ି ଟାୟାର ଫାଟି ପାହାଡ଼ ତଳକୁ ଖସି ପଡ଼ିଥିଲା । ସେଥିରେ କିଛି ଯବାନ ମୃତ୍ୟୁ ଓ ଆହତ ହୋଇଥିବା ବେଳେ ଓଡ଼ିଆ ଯବାନ ଶଶାଙ୍କଙ୍କ ମୃତ୍ୟୁ ହୋଇଥିଲା ।
ରବିବାର ଶଶାଙ୍କଙ୍କ ପାର୍ଥିବ ଶରୀର ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ଶୋଭାଯାତ୍ରାରେ କ୍ଷେତ୍ରପାଳ ଗାଁକୁ ଅଣାଯାଇ ଶେଷକୃତ୍ୟ କରାଯାଇଥିଲା । ସେପଟେ ଟ୍ୱିଟ୍ କରି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଟ୍ୱିଟ୍ କରି ଅମର ଆତ୍ମାର ସଦଗତି କାମନା କରିଛନ୍ତି ।
