ଅବସରପ୍ରାପ୍ତ ସେନା କର୍ମଚାରୀ ସରୋଜ ଦାସଙ୍କ ଆତଙ୍କରାଜ

ବାଙ୍କୀ: କଟକ ଜିଲ୍ଲା ବାଙ୍କୀରେ ପୁଣି ଅବସରପ୍ରାପ୍ତ ସେନା କର୍ମଚାରୀ ସରୋଜ ଦାସଙ୍କ ଆତଙ୍କରାଜ୍ । ଗୋଡ଼ାଇ ଗୋଡ଼ାଇ ହାଣିଲେ । ଆକ୍ରମଣରେ ଦୁଇ ପୋଲିସ କର୍ମଚାରୀ ଗୁରତର ଆହତ । ଅବସରପ୍ରାପ୍ତ ସେନା କର୍ମଚାରୀ ସରୋଜ ଦାସଙ୍କ ଆକ୍ରମଣରେ ଦୁଇଜଣ ପୋଲିସ କର୍ମଚାରୀ ଗୁରୁତର ଆହତ ହୋଇଛନ୍ତି । ବାଙ୍କୀ ଆଦିମାତା ଛକରେ ଏହି ଘଟଣା ଘଟିଛି । ଆହତ ଦୁଇ ପୋଲିସ କର୍ମଚାରୀ ହେଲେ ଏସଆଇ ସମ୍ବିତ ସ୍ବାଇଁ ଓ ଅନ୍ୟ ଜଣେ ହାବିଲଦାର । ଉଭୟଙ୍କୁ ପ୍ରଥମେ ବାଙ୍କୀ ମେଡିକାଲରେ ଭର୍ତ୍ତି କରାଯାଇଥିଲା । ପରେ କଟକ ସ୍ଥାନାନ୍ତର କରାଯାଇଛି । ଆକ୍ରମଣ କରିଥିବା ଅଭିଯୁକ୍ତ ଅବସରପ୍ରାପ୍ତ ସେନା କର୍ମଚାରୀ ସରୋଜ ଦାସ ପୂର୍ବରୁ ମଧ୍ୟ ବାଙ୍କୀ ବଜାରରେ ଖଣ୍ଡା ବୁଲାଇ ଆତଙ୍କ ସୃଷ୍ଟି କରିଥିଲେ । ତାଙ୍କୁ ଦେଖିବା ପରେ ସ୍ଥାନୀୟ ଲୋକଙ୍କ ମଧ୍ୟ ଆତଙ୍କ ଖେଳି ଯାଇଛି । ପରେ ସ୍ଥାନୀୟ ଲୋକେ ପୋଲିକ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି କାବୁ କରିବା ପାଇଁ ଚେଷ୍ଟା କରିଥିବାବେଳେ ସରୋଜ ସେମାନଙ୍କୁ ମଧ୍ୟ ଆକ୍ରମଣ କରିଥିଲେ ।