ନନ୍ଦିଘୋଷ ବ୍ୟୁରୋ: ଆତ୍ମଘୋଷିତ ଭଗବାନ ସନ୍ତୋଷ ରାଉଳ ଓରଫ ସାରଥୀଙ୍କ ହାଇକୋର୍ଟରେ ଜାମିନ ଆବେଦନ। ୨୦୧୬ରେ ତାଙ୍କ ବିରୋଧରେ ହୋଇଥିବା ଏକ ଷଡ଼ଯନ୍ତ୍ର ଅଭିଯୋଗ ମାମଲାରେ ହାଇକୋର୍ଟଙ୍କ ଦ୍ଵାରସ୍ଥ ହୋଇଛନ୍ତି ସାରଥି। ୨୦୧୬ ମସିହାରେ ପ୍ରଦ୍ୟୁମ୍ନ ପାତ୍ର ସାରଥି ଓ ତାଙ୍କ ସହଯୋଗୀଙ୍କ ବିରୋଧରେ ଷଡ଼ଯନ୍ତ୍ର ଅଭିଯୋଗ କରିଥିଲେ। ଏହି ଆଧାରରେ ଅଭିଯୁକ୍ତ ମଙ୍ଗୁଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଦେବେନ୍ଦ୍ର ରାଉଳ, ବିଶ୍ଵପ୍ରକାସ ପାତ୍ରଙ୍କୁ ଜାମିନ ମିଳିଥିଲା ।ହେଲେ ସନ୍ତୋଷ ରାଉଳ ଓରଫ ସାରଥୀଙ୍କୁ ଜାମିନ ମିଳିନଥିଲା। ସାରଥି ଓରଫ ସନ୍ତୋଷ ରାଉଳ ଜେଲରେ ଥାଇ ଷଡଯନ୍ତ୍ର କରୁଥିବା କାରଣରୁ ସାରଥୀଙ୍କ ସମେତ ତାଙ୍କର ଅନ୍ୟ ୩ ଜଣ ସହଯୋଗୀଙ୍କ ନାମରେ ଏତଲା ହୋଇଥିଲା। ସେଥିରୁ ଦୁଇ ଜଣଙ୍କୁ ଜାମିନ ମିଳିଥିବା ବେଳେ ଆଜି ସାରଥି ଓରଫ ସନ୍ତୋଷ ରାଉଳ ଜାମିନ ପାଇଁ ହାଇ କୋର୍ଟରେ ଆବେଦନ କରିଛନ୍ତି।.
