କରୋନା ସମୟରେ ସରପଞ୍ଚ କଲେ ମହିଳାଙ୍କୁ ନେଇ ମହାଯଜ୍ଞ, ଭାଙ୍ଗିଲେ କୋଭିଡ କଟକଣା ରୁଜୁ ହେଲା ମାମଲା
ଗଞ୍ଜାମ: କରୋନା କଟକଣାକୁ ଫୁ । କରୋନାକୁ ସମାପ୍ତ କରିବା ଆଳରେ ବିସ୍ତାର କରିବାର ବଡ଼ ପ୍ରୋତ୍ସାହନ । ରାଜ୍ୟରେ କରୋନା ଦିନକୁ ଦିନ ବଢ଼ିବାରେ ଲାଗିଛି । କରୋନା ସଂକ୍ରମଣ ନେଇ ରାଜ୍ୟ ସରକାର କଡ଼ା ପଦକ୍ଷେପ ମାନ ନେଉଛନ୍ତି । ସଂକ୍ରମଣକୁ ନେଇ ଟିକେ ଅବହେଳା ବିପଦକୁ ହାତ ହଲେଇ ଡ଼ାକିବା । ସେଥିପାଇଁ ସାମାଜିକ ଦୂରତାଠୁ ଦୂରେଇ ରହିବା ପାଇଁ ଅନୁରୋଧ କରୁଛନ୍ତି ରାଜ୍ୟ ସରକାର ।
ଯେତେବଳେ କରୋନା ସମୟରେ ସମସ୍ତ ଶିକ୍ଷାନୁଷ୍ଠାନ, ଧାର୍ମିକ ଅନୁଷ୍ଠାନ, ପଲିଟିକାଲ କାର୍ଯ୍ୟକ୍ରମ କେବଳ ସାମାଜିକ ଦୂରତାକୁ ରକ୍ଷା କରିବା ପାଇଁ ବନ୍ଦ ରହିଛି । ଏଇ ଭିତରେ କିନ୍ତୁ କିଛି ଅମାନବିକ ବ୍ୟକ୍ତି ବିଶେଷ କରୋନାକୁ ହାତ ହଲେଇ ଡ଼ାକିବାର ଦୁଃସାହସ କରିଚାଲିଛନ୍ତି । କରୋନା ବେଳେ କରୁଛନ୍ତି ମହାଯଜ୍ଞ । କରୋନା ସମୟରେ ସରକାରୀ ନିୟମକୁ ଖୋଲା ଉଲଘଂନ କରି ଗ୍ରାମରେ ଯଜ୍ଞ କରିବା ଏବେ ମହଙ୍ଗା ପଡ଼ିଲା ନାଏବ ସରପଞ୍ଚଙ୍କୁ । ଏଭଳି ଘଟଣା ଦେଖିବାକୁ ମିଳିଛି ପୋଲସରା ବ୍ଲକ ଅନ୍ତର୍ଗତ ଜା.ଡେଙ୍ଗା ପଦର ପଞ୍ଚାୟତ ମର୍ଦ୍ଧରାଜପୁର ଗାଁରେ ।
ସୂଚନା ଅନୁଯାୟୀ, ପୋଲସରା ବ୍ଲକର ମର୍ଦ୍ଧରାଜପୁର ଗାଁରେ ୫ ଶହରୁ ଉର୍ଦ୍ଧ୍ୱ ଲୋକଙ୍କ ମହାଯଜ୍ଞ ପାଇଁ ସମାଗମ ହୋଇଥିଲେ । ସ୍ଥାନୀୟ ପଞ୍ଚମୁଖି ହନୁମାନ ମନ୍ଦିର ପ୍ରତିଷ୍ଠା ଲାଗି ଯଜ୍ଞ ଆୟୋଜନ କରିଥିଲେ ନାଏବ ସରପଞ୍ଚ କୃଷ୍ଣଚନ୍ଦ୍ର ଜେନା । ଘଣ୍ଟ ମୃଦଙ୍ଗ ସହିତ ଶହଶହ ମହିଳା ମାନେ କଳସୀ ଯାତ୍ରା କରି ସାମାଜିକ ଦୂରୂତାକୁ ଭୁଲି ଯାଇଥିବା ଭଳି ଦୃଶ୍ୟ ଦେଖିବାକୁ ମିଳିଥିଲା ।
ଯାହାକୁ ନେଇ ଉକ୍ତ ଗ୍ରାମର ଏକ ଯୁବକ ଏହି ଯଜ୍ଞ କୁ ବିରୋଧ କରିଥିଲେ । କିନ୍ତୁ ଯଜ୍ଞରେ ଲିପ୍ତ ଥିପା ବ୍ୟକ୍ତିଙ୍କୁ ଆକ୍ରମଣ କରାଯାଇଥିଲା । ଏନେଇ ପୋଲସରା ଥାନାରେ ମାମଲା ରୁଜ୍ଜୁ ହୋଇଥିଲା । ସେପଟେ ଉକ୍ତ ଘଟଣା କୁ ନେଇ ସୋସିଆଲ ମିଡିଆରେ ଭିଡିଓ ଭାଇରଲ୍ ହୋଇଥିବା ବେଳେ ସ୍ଥାନୀୟ ପ୍ରଶାସନ ସବୁ ଜାଣି ବି କୁମ୍ଭକର୍ଣ୍ଣ ନିଦରେ ଶୋଇଛି । ତେବେ ଗଞ୍ଜାମ ଜିଲ୍ଲାପାଳ ଏହାର ତଦନ୍ତ ପାଇଁ ବିଡିଓଙ୍କୁ ନିର୍ଦ୍ଦେଶ ଦେଥିବା ବେଳ ଆଜି କୋଭିଡ ନିୟମକୁ ଉଲଂଘନ ହୋଇଥିବା ଅଭିଯୋଗ ରେ ମାମଲା ରୁଜ୍ଜୁ କରାଯିବ ବୋଲ ବିଡିଓ ଶମ୍ଭୁନାଥ ନନ୍ଦି ସୂଚନା ଦେଇଛନ୍ତି ।
