ସରପଞ୍ଚଙ୍କୁ ଜିଲ୍ଲାପାଳ କ୍ଷମତା: ମାଣିତରା ପରେ ମନ୍ଦାର, ମଧୁପଲ୍ଲୀ ପଞ୍ଚାୟତ ସଟଡାଉନ୍
ଆସିକା: କରୋନା ସଂକ୍ରମଣ ରୋକିବାକୁ ସରପଞ୍ଚ ପ୍ରୟୋଗ କଲେ ଜିଲ୍ଲାପାଳ କ୍ଷମତା । ୭ ଦିନ ପାଇଁ ସଟଡାଉନ୍ ଘୋଷଣା ହେଲା ପଞ୍ଚାୟତ । ଗଞ୍ଜାମ ଜିଲ୍ଲାରେ ଆଉ ୨ ପଞ୍ଚାୟତରେ ସଟଡାଉନ୍ ଘୋଷଣା ହୋଇଛି । ପୋଲସରା ବ୍ଲକର ମନ୍ଦାର ଓ ମଧୁପଲ୍ଲୀ ପଞ୍ଚାୟତକୁ ସମ୍ପୃକ୍ତ ପଞ୍ଚାୟତର ସରପଞ୍ଚ ସପ୍ତାହକ ପାଇଁ ସଟଡାଉନ୍ କରିଛନ୍ତି । ଏହି ସମୟରେ କେହି ବି ବାହାରକୁ ଯାଇପାରିବେ ନାହିଁ କି ବାହାରୁ କେହି ପଞ୍ଚାୟତକୁ ଆସିପାରିବେ ନାହିଁ ।
ଜିଲ୍ଲାପାଳ କ୍ଷମତାର ବ୍ୟବହାର କଲେ ମହିଳା ସରପଞ୍ଚ: ପଞ୍ଚାୟତକୁ ୭ ଦିନ ପାଇଁ କଲେ ସଟ୍ଡାଉନ୍
ଏହା ପୂର୍ବରୁ ମାଣିତରା ସରପଞ୍ଚ ଶାନ୍ତିଲତା ନାୟକ ପଞ୍ଚାୟତକୁ ସଟଡାଉନ୍ ଘୋଷଣା କରିଥିଲେ । ଏହାକୁ ପଞ୍ଚାୟତବାସୀ ମଧ୍ୟ ସମର୍ଥନ କରିଛନ୍ତି । ଗଞ୍ଜାମ ଜିଲ୍ଲାରେ ଅଦ୍ୟାବିଧି ୧୧୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଜିଲ୍ଲାରେ ଜଣେ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ୧୧୭ ମାମଲା ସକ୍ରିୟ ରହିଛି । ତେବେ, ସମସ୍ତ ସଂକ୍ରମିତ ଅନ୍ୟ ରାଜ୍ୟରୁ ଫେରିଛନ୍ତି ।
ଆଜିଠାରୁ କେଉଁଠାକୁ ଚାଲିଲା ଟ୍ରେନ୍ ? କିଏ ଟ୍ରେନରେ ଯାତ୍ରା କରିପାରିବେ ?
