ରଥଯାତ୍ରା ପରିଚାଳନାକୁ ନେଇ ଖୁସିବ୍ୟକ୍ତ କଲେ ଶଙ୍କରାଚାର୍ଯ୍ୟ
ରଥଯାତ୍ରାର ସଫଳ ସୁପରିଚାଳନା ପାଇଁ ଖୁସି ବ୍ୟକ୍ତ କଲେ ଜଗତଗୁରୁ ଶଙ୍କରାଚାର୍ଯ୍ୟ | କଟକଣା ଭିତରେ ରଥଯାତ୍ରା ହୋଇଥିଲେ ବି କେହି ଭକ୍ତ ବଡଦାଣ୍ଡ କୁ ଆସିନାହାନ୍ତି | କବାଟ ଫାଙ୍କରେ କିମ୍ବା ଟେଲିଭିଜନ ମାଧ୍ୟମରେ ଦର୍ଶନ କରିଛନ୍ତି ଭକ୍ତ | ସମସ୍ତ ଭକ୍ତ ଅନୁଶାସନ ମଧ୍ୟରେ ରହିଛନ୍ତି | ଭକ୍ତ ମାନେ ପ୍ରମାଣ କରିଛନ୍ତି ଯେ ଆମେ ସୁଖଦୁଃଖ ରେ ସମସ୍ତେ ସାଙ୍ଗରେ ଅଛୁ | ପ୍ରଭୁ ଶ୍ରୀ ଜଗନ୍ନାଥ ବିଶ୍ୱର ସଂଚାଳକ ସେ ଚାହିଁଲେ ଏବଂ ରଥଯାତ୍ରା ହେଲା | ଏଭଳି ରଥଯାତ୍ରା ପୂର୍ବରୁ କେବେ ହୋଇନି |
ରାଜ୍ୟ ଏବଂ କେନ୍ଦ୍ର ସରକାରଙ୍କ ସମେତ ଗଜପତି ମହାରାଜା, ଜିଲ୍ଲା ପ୍ରଶାସନ ଓ ସେବାୟତଙ୍କୁ ଧନ୍ୟବାଦ ଜଣାଇଛନ୍ତି ଶଙ୍କରାଚାର୍ଯ୍ୟ | ଏଥର ଭଗବାନ ଭକ୍ତଙ୍କୁ ଆଶୀର୍ବାଦ କରିଛନ୍ତି | ଭକ୍ତ ଭଗବାନଙ୍କୁ ଦେଖିବାର ସୌଭାଗ୍ୟ ନପାଇଲେ ମଧ୍ୟ ହୃଦୟରେ ମହାପ୍ରଭୁଙ୍କୁ ଦର୍ଶନ କରିଛନ୍ତି | ସମସ୍ତ ଭକ୍ତଗଣଙ୍କୁ ହୃଦୟରେ କୋଳେଇ ନେଇଛନ୍ତି ମହାପ୍ରଭୁ | ଶାସ୍ତ୍ରରେ ଲିଖିତ ଅଛି ଦେବତାଙ୍କ ଚେତନା ବିଷୟରେ |
ବିକାଶ ଆଳରେ ମାନବ ସମାଜ ଜଳ, ବାୟୁ, ପବନ ଆଦି ସହ ଖେଳ ଖେଳି ଥିବାରୁ କରୋନା ମହାମାରୀ ଭଳି ସ୍ଥିତି ଦେଖିବାକୁ ମିଳିଲା | ମାନବସମାଜ ବିକାଶର ପରିପ୍ରେକ୍ଷୀ ହେବା ଉଚିତ୍ ଏଥିରେ ଦ୍ୱିମତ ନାହିଁ ମାତ୍ର ଏହା ଯେପରି ବିନାଶର କାରଣ ନହେଉ ସେ ନେଇ ମାନବ ସମାଜକୁ ଧ୍ୟାନ ଦେବା ଆବଶ୍ୟକ । ତେବେ ଜଗନ୍ନାଥଙ୍କ ରଥଯାତ୍ରା ସୂଚାର ରୂପେ ହୋଇଥିବା ହେତୁ କରୋନା ସ୍ଥିତି ଟଳିଯିବ ବୋଲି ଶଙ୍କରାଚାର୍ଯ୍ୟ କହିଛନ୍ତି ।
