ସଞ୍ଜୁ ସାମସନ ହେବେ CSKର ପରବର୍ତ୍ତୀ ଅଧିନାୟକ? ଡିଲ୍ ପାଇଁ ପ୍ରସ୍ତୁତ ଚେନ୍ନାଇ
1 min read
ଭାରତୀୟ ଟିମର ଶାନଦାର ଓ୍ବିକେଟ କିପର-ବ୍ୟାଟ୍ସମ୍ୟାନ ସଞ୍ଜୁ ସାମସନଙ୍କ ଫ୍ୟାନ ଫଲୋଇଙ୍ଗ ସାରା ବିଶ୍ବରେ ବହୁତ ଅଧିକ ରହିଛି । ଅନ୍ତର୍ଜାତୀୟ କ୍ରିକେଟ ସହିତ ଆଇପିଏଲରେ ମଧ୍ୟ ସଞ୍ଜୁ ନିଜର ଛାପ ଛାଡ଼ିଛନ୍ତି । ବିଗତ କିଛି ଆଇପିଏଲ ସିଜିନରେ ସଞ୍ଜୁ ରାଜସ୍ଥାନର ଅଂଶ ରହି ଆସିଛନ୍ତି । ମାତ୍ର ୨୦୨୬ରେ ତାଙ୍କୁ ଏକ ନୂଆ ଟିମର ଦାୟିତ୍ବ ଦିଆଯାଇପାରେ । ଚେନ୍ନାଇ ସୁପର କିଙ୍ଗସ ସଞ୍ଜୁଙ୍କୁ ନିଜ ଟିମରେ ସାମିଲ କରିପାରେ । ଫ୍ରାଞ୍ଚାଇଜୀର ସିନିୟର ଅଧିକାରୀ ନିଜେ ଏହି ସୂଚନା ଦେଇଛନ୍ତି । ସଞ୍ଜୁ ଚେନ୍ନାଇର ପରବର୍ତ୍ତୀ ଅଧିନାୟକ ହୋଇପାରନ୍ତି ବୋଲି ରିପୋର୍ଟ ପ୍ରକାଶ ପାଇଛି ।
ସିଏସକେର ସିନିୟର ଅଧିକାରୀ କହିଛନ୍ତି, ସଞ୍ଜୁ ଜଣେ ଅଭିଜ୍ଞ ଭାରତୀୟ ଓ୍ବିକେଟକିପର-ବ୍ୟାଟ୍ସମ୍ୟାନ । ସେ ଓ୍ବିକେଟ କିପିଂ ସହିତ ଓପନିଂର ଦାୟିତ୍ବ ସଠିକ୍ ଭାବେ ତୁଲାଇ ପାରିବେ । ଯଦି ସଞ୍ଜୁ ଲପଲବ୍ଧ ହେବେ, ତେବେ ତାଙ୍କୁ ଟିମରେ ନିଶ୍ଚିତ ସାମିଲ କରାଯିବ । ତାଙ୍କ ସହ କିଏ ଟ୍ରେଡ କରିବେ, ତାହାକୁ ନେଇ ନିଷ୍ପତ୍ତି ହୋଇନାହିଁ । କାରଣ କଥା ଏବେ ଉପରସ୍ତରକୁ ଯାଇନାହିଁ । ମାତ୍ର ଆମେ ତାଙ୍କୁ ନିଜର ଟିମରେ ସାମିଲ କରିବାକୁ ଚାହଁଛୁ । ୨୦୨୫ ଆଇପିଏଲ ସଞ୍ଜୁଙ୍କ ପାଇଁ ଖାସ୍ ନଥିଲା । ତାଙ୍କ ଟିମ ରାଜସ୍ଥାନ ପ୍ଲେ ଅଫରେ ସ୍ଥାନ ପାଇ ପାରିନଥିଲା । ସଞ୍ଜୁ ୯ଟି ମ୍ୟାଚରୁ ୩୫.୬୩ ହାରରେ ୨୮୫ ରନ୍ ସଂଗ୍ରହ କରିଥିଲେ । ସେ ମୋଟ ୧୭୭ଟି ଆଇପିଏଲ ଖେଳି ୧୩୯.୦୫ ଷ୍ଟ୍ରାଇକ ରେଟରେ ୪୭୦୪ ରନ୍ ସଂଗ୍ରହ କରିଛନ୍ତି ।
