ସାନିଟାଇଜ୍ ହେଲା ଶ୍ରୀକ୍ଷେତ୍ର : ବଡଦାଣ୍ଡକୁ ସୁରକ୍ଷିତ କରିବାକୁ କେମିକାଲ ସ୍ପ୍ରେ’
ପୁରୀ: କରୋନା ପାଇଁ ଚାରିଆଡେ ଚିନ୍ତାର ବାତାବରଣ । ଓଡିଶାରେ ମଧ୍ୟ ଦିନକୁ ଦିନକୁ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । କରୋନା ସଂକ୍ରମଣକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଅନେକ ପଦକ୍ଷେପ ଗ୍ରହଣ କରାଯାଇଛି । ଏଥିପାଇଁ ଲୋକଙ୍କର ମାସ୍କ ପିନ୍ଧିବା ଜରୁରୀ ବୋଲି କୁହାଯାଇଛି ।
କେବଳ ସେତିକି ନୁହେଁ ସଚେତନା ପାଇଁ ରାଜ୍ୟର ଅନେକ ସ୍ଥାନଗୁଡିକୁ ସାନିଟାଇଜ୍ କରାଯାଉଛି । ଆଜି ପୁରୀ ବଡଦାଣ୍ଡକୁ ସାନିଟାଇଜ୍ କରାଯାଇଛି । କରୋନା ପାଇଁ ପୁରୀର ବିଭିନ୍ନ ଅଞ୍ଚଳକୁ ସାନିଟାଇଜ କରିଛି ପ୍ରଶାସନ । ଶ୍ରୀମନ୍ଦିର ସିଂହଦ୍ଵାର ପାଖରେ କୋମିକାସ୍ ସ୍ପ୍ରେ କରିଛି ପୌରପାଳିକା ।
ଅନ୍ୟାନ ପ୍ରମୁଖ ସ୍ଥାନ ମାନଙ୍କରେ ମଧ୍ୟ ସାଇନଟାଇଜିଂ କରାଯାଇଛି । ଅନ୍ୟପଟେ ଲକ୍ଡାଉନ୍ ପାଇଁ ଛକ ମାନଙ୍କରେ ପୋଲିସର ପହରା କଡ଼ାକଡ଼ି ହୋଇଛି । ଅମାନିଆଙ୍କୁ ଅଟକାଇ ଗାଡିମୋଟର ଯାଂଚ କରିବା ସହ ପୋଲିସ ଜରିମନା ଆଦାୟ କରୁଛି ।
