କାଶୀନଗର ଅଞ୍ଚଳରୁ ବିପୁଳ ଚନ୍ଦନ କାଠ ଜବତ

ଗଜପତି:  କାଶୀନଗର ଅଞ୍ଚଳରୁ ବିପୁଳ ଚନ୍ଦନ କାଠ ଜବତ । ଆନ୍ଧ୍ର ସୀମାନ୍ତ ଅଞ୍ଚଳରେ ପାଟ୍ରୋଲିଂ କରିବାବେଳେ ସୀତାପୁର ଗାଁରେ ଏକ ସିମେଣ୍ଟ ଗୋଦାମରୁ ଚନ୍ଦନ କାଠ ଜବତ କରିଛି ପୋଲିସ । ମାମଲାରେ ଦୁଇ ଜଣଙ୍କୁ ଗିରଫ କରାଯାଇଛି । ଅଭିଯୁକ୍ତ ହେଲେ ଅମିନ ଦେବ ମଣ୍ଡଳ ଓ ଗୋଦାମ ମାଲିକ ଜନାର୍ଦ୍ଦନ ଚରତି । ଜବତ କାଠର ମୁଲ୍ୟ ଲକ୍ଷେରୁ ଅଧିକ ଟଙ୍କା ହେବ ବୋଲି ଅନୁମାନ କରାଯାଉଛି ।

ଏଗୁଡ଼ିକ ଗୁମ୍ମା ଜଙ୍ଗଲରୁ ଚୋରିକରି ବ୍ରହ୍ମପୁର ଓ ଆନ୍ଧ୍ରପ୍ରଦେଶକୁ ଚୋରା ଚାଲାଣ ପାଇଁ ରଖାଯାଇଥିବା ପୋଲିସ ଜାଣିବାକୁ ପାଇଛି । ଏନେଇ ଜଙ୍ଗଲ ବିଭାଗ ଅଧିକାରୀଙ୍କୁ ଅବଗତ କରାଯାଇଛି । ଘଟଣାରେ ଆଉ କାହାର ସମ୍ପୃକ୍ତି ରହିଛି ସେନେଇ ତଦନ୍ତ ଜାରି ରହିଛି ।