ଗଞ୍ଜେଇ ମାଫିଆଙ୍କୁ ଠକେଇ: ଗଞ୍ଜେଇ ବଦଳରେ ବାହାରିଲା ନଡ଼ା

କେସିଙ୍ଗା: ଗଞ୍ଜେଇ ବେପାରୀଙ୍କୁ ଚୂଲ ଲଗାଇଲେ ସହଯୋଗୀ । ଗଞ୍ଜେଇ ବଦଳରେ ଦେଲେ ନଡ଼ା, ପାଳ, ଗୋଡି ଓ ବାଲି । ପୋଲିସ ହାତରେ ଗଞ୍ଚେଇ ମାଫିଆ ଧରା ପଡ଼ିବା ପରେ ଯାଞ୍ଚରୁ ଜଣାପଡ଼ିଲା ସତ । ନଡ଼ା, ପାଳ ଦେଖି ଗଞ୍ଜେଇ ମାଫିଆ ତାଜୁବ । ୭୧ କେଜି ବଦଳରେ ମାତ୍ର ୧୦ କେଜି ୧୨୮ ଗ୍ରାମ ଗଞ୍ଜେଇ ବାହାରିଥିବା ବେଳେ ବାକି ଥିଲା ନଡ଼ା, ପାଳ, ଗୋଡ଼ି ଓ ବାଲି ।

ସୂଚନାଯୋଗ୍ୟ, କଳାହାଣ୍ଡି ଜିଲ୍ଲା କେସିଙ୍ଗା ପୋଲିସ ଅମାଠ ଛକରେ ଏକ ଗଞ୍ଜେଇ ଗାଡିକୁ ଜବତ କରିଥିଲା । ଜୁନାଗଡ଼ରୁ ୭୧ କେଜିରୁ ଅଧିକ ଗଞ୍ଜେଇ ଏକ ସ୍କର୍ପିଓରେ ୟୁପି ଯାଉଥିବା ଖବର ପାଇ ପୋଲିସ ଚଢ଼ାଉ କରିଥିଲା । ଯାଞ୍ଚ ବେଳେ ଜଣାପଡ଼ିଲା ନିଜେ ଗଞ୍ଜେଇ ମାଫିଆ ବି ଠକେଇର ଶିକାର ହୋଇଛନ୍ତି । ୭୧ କେଜି ଗଞ୍ଜେଇ ବଦଳରେ ବାହାରିଲା ମାତ୍ର ୧୬ କେଜି ଗଞ୍ଜେଇ । ଆଉ ବାକି ଗଞ୍ଜେଇ ବଦଳରେ ବେପାରୀ ବାଲି, ଗୋଡ଼ି, ନଡ଼ା ଓ ପାଳ ଭର୍ତ୍ତି କରିଦେଇଥିଲା । ଗଞ୍ଜେଇ ବେପାର ଅଭିଯୋଗରେ ପୋଲିସ ୟୁପିର ଦୀପକ, ସୁନୀଲ ଓ ଅର୍ପିତ ମୋହରୀକୁ ଗିରଫ କରିଛି ।