ପୁରୀ ବେଳାଭୂମିରେ ଓଲି ଜଣାଉଛି ଶୁଭେଚ୍ଛା, ଆଜିଠୁ ଆରମ୍ଭ ହକି ମହାକୁମ୍ଭ

ପୁରୀ: ହକି ଖେଳାଳିଙ୍କୁ ବାଲୁକା କଳା ମାଧ୍ୟମରେ ଶୁଭେଚ୍ଛା । ଆନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ ପୁରୀର ସ୍ବର୍ଣ୍ଣାଭ ବେଳାଭୂମିରେ ବାଲୁକା କଳା ନିର୍ମାଣ କରି ଶୁଭେଚ୍ଛା ଜଣାଇଛନ୍ତି  । ବାଲୁକା କଳାରେ ସେ ଓଲିର ଚିତ୍ରଣ କରିଛନ୍ତି । ଏହି ବାଲୁକା କଳାକୁ ନିର୍ମାଣ କରିବାକୁ ମାନସ ସାହୁଙ୍କୁ 7 ଘଣ୍ଟା ସମୟ ଲାଗିଥିବା ବେଳେ ଏଥିରେ 10ଟନ ବାଲି ବ୍ୟବହାର କରାଯାଇଛି  ।

ଏହି ବାଲୁକା କଳାରେ “Best Wishes for all the Team” ଉଲ୍ଲେଖ କରିଛନ୍ତି ମାନସ । ଆଜିଠୁ ହକି ବିଶ୍ବକପ ଆରମ୍ଭ ହେବାକୁ ଯାଉଛି । ଟୁର୍ଣ୍ଣାମେଣ୍ଟରେ ଡିଫେଣ୍ଡିଂ ଚାମ୍ପିଅନ୍‌ ଆର୍ଜେଣ୍ଟିନା ଓ ସାଉଥ ଆଫ୍ରିକା ମଧ୍ୟରେ ପ୍ରଥମ ଟକ୍କର ହେବ ।