ସୂର୍ଯ୍ୟ ମନ୍ଦିର ଉପରିଭାଗରେ ଲାଗିଛି ଯାତ୍ରା ଭଳି ଲାଇଟ୍ : ସୁଦର୍ଶନ ପଟ୍ଟନାୟକ

ପୁରୀ: ସୂର୍ଯ୍ୟମନ୍ଦିରରେ ବିକୃତ ଆଲୋକୀକରଣ ଅଭିଯୋଗ ଆଣିଲେ ଆନ୍ତର୍ଜାତୀୟ ବାଲୁକା କଳା ଶିଳ୍ପୀ ସୁଦର୍ଶନ ପଟ୍ଟନାୟକ । କୋଣାର୍କ ସୂର୍ଯ୍ୟମନ୍ଦିରରେ ଏଏସଆଇ ଦ୍ବାରା ଆଲୋକୀକରଣ କରାଯାଇଛି । ମନ୍ଦିରର ଉପରିଭାଗରେ ଯାତ୍ରା ପାର୍ଟି ଭଳି ଲାଇଟ ଲଗାଯାଇଥିବା ଅଭିଯୋଗ କରିଛନ୍ତି ଶିଳ୍ପୀ ସୁଦର୍ଶନ ପଟ୍ଟନାୟକ ।

ଆଲୋକୀକରଣ ନାଁରେ କଳାକୃତୀର ମୂଲ୍ୟବୋଧ କ୍ଷୁର୍ଣ୍ଣ କରାନଯାଉ ବୋଲି ସୁଦର୍ଶନ କହିଛନ୍ତି । ପୂର୍ବରୁ ଏହାକୁ ବିରୋଧ କରି ଏଏସଆଇ କର୍ତ୍ତୃପକ୍ଷଙ୍କୁ ଟୁଇଟ୍ କରିଥିଲେ । ସୁଦର୍ଶନଙ୍କ ଅଭିଯୋଗକୁ ସମର୍ଥନ କରି କୋଣାର୍କ ସୁରକ୍ଷା ସମିତି ଏବଂ ସ୍ଥାନୀୟ ବାସିନ୍ଦା ମଧ୍ୟ ମନ୍ଦିର ଉପରିଭାଗରୁ ଲାଇଟ୍ କାଢିବାକୁ ଦାବି କରିଛନ୍ତି ।