ବିବାହ କଲେ ସନା ଖାନ, ସ୍ୱାମୀଙ୍କ ସହ ସୋସିଆଲ ମିଡିଆରେ ସେୟାର କଲେ ଫଟୋ

ନୂଆଦିଲ୍ଲୀ: ଅଭିନେତ୍ରୀ ସନା ଖାନ ମୌଲାନା ମୁଫତୀ ଅନସ ଖାନଙ୍କ ସହ ବିବାହ କରିଛନ୍ତି । ଅନସ ଖାନଙ୍କ ସହ ନିଜ ବିବାହର ଫଟୋ ସେ ସୋସିଆଲ ମିଡିଆରେ ସେୟାର କରିଛନ୍ତି । ନିକଟରେ ଦୁହିଁଙ୍କ ବିବାହର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ନଭେମ୍ବର ୨୦ ତାରିଖରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ ।

ସନା ଇନଷ୍ଟାଗ୍ରାମରେ ନିଜ ସ୍ୱାମୀଙ୍କ ସହ ବିବହାର ଭିଡିଓ ଏବଂ ଫଟୋ ସେୟାର କରିଛନ୍ତି ।  ଏହା ସହିତ ସନା ନିଜ ନାଁ ବଦଳାଇ ସାଇଦ ସନା ଖାନ ରଖିଛନ୍ତି । ସୂଚନା ଅନୁଯାୟୀ ସନାଙ୍କ ସ୍ୱାମୀ ଜଣେ ମୌଲାନା ଅଟନ୍ତି ଏବଂ ଗୁଜୁରାଟର ସୁରଟରେ ବାସ କରନ୍ତି ।

ତେବେ ଫ୍ୟାନ୍ସମାନେ ଏହା ଜାଣିବାକୁ ବ୍ୟକୁଲ ଥିଲେ ଯେ ସନା ଖାନ ଅନସଙ୍କ ସହ କିପରି ଦେଖା ହୋଇଥିଲେ । ତେବେ ସ୍ପଟବୟର ସୂଚନା ମୁତାବକ, ସନା ଖାନ ମୁଫତୀ ଅନସ ଖାନଙ୍କ ସହ ବିଗ ବସ ଫେମ ଏଜାଜ ଖାନଙ୍କ ମାଧ୍ୟମରେ ଦେଖାହୋଇଥିଲେ ।