ରବିବାର କେମିତି ଚାଲିଛି ପାଠପଢା ? ଅନୁଧ୍ୟାନ କରିବାକୁ ଅଚାନକ ପହଞ୍ଚିଲେ ସମୀର ଦାଶ

ଭୁବନେଶ୍ୱର: ଆଗକୁ ଅଛି ପରୀକ୍ଷା ସେଥିପାଇଁ ବିନା ଛୁଟିରେ ୧୦୦ଦିନର ପାଠପଢୁଛନ୍ତି ଛାତ୍ରଛାତ୍ରୀ । ଆଉ ଏହି ରବିବାର କେମିତି ଚାଲିଛି ପାଠପଢା, ତାର ଅନୁଧ୍ୟାନ କରିବାକୁ ଅଚାନକ ବାଣୀବିହାର ୟୁନିଭରସିଟି ହାଇସ୍କୁଲ ପରିଦର୍ଶନ କରିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ରବିବାର ୫୦ ପ୍ରତିଶତରୁ ଅଧିକ ଛାତ୍ରଛାତ୍ରୀଙ୍କ ଉପସ୍ଥାନ ରହୁଛି, ସେଥିରେ ସନ୍ତୋଷ ପ୍ରକାଶ କରିଛନ୍ତି ମନ୍ତ୍ରୀ ।

ସେହିପରି ଆସନ୍ତାକାଲି ନବମ ଓ ଏକାଦଶ ପାଇଁ ସ୍କୁଲ ଖୋଲିବାର ବ୍ୟବସ୍ଥାର ସମୀକ୍ଷା ବି କରିଛନ୍ତି । ରାଜ୍ୟ ସରକାରଙ୍କ SOP ଆଧାରରେ ସ୍କୁଲ ଖୋଲିବ । ଲଗାତାର ୧୦୦ଦିନର ଟାର୍ଗେଟରେ କୋର୍ସ ସାରିବା ଲକ୍ଷ୍ୟ ରଖିଛନ୍ତି ଶିକ୍ଷକ ଶିକ୍ଷୟତ୍ରୀ । ତେଣୁ ହୁଏତ ରବିବାର ଶିକ୍ଷାଦାନ ଯୋଗୁ ଶିକ୍ଷକ ଚାପରେ ପଡୁଥିବାରୁ, ସେମାନଙ୍କ ସହ ଆଲୋଚନା କରିଛନ୍ତି ମନ୍ତ୍ରୀ । ୧୦୦ ଦିନିଆ ପାଠ୍ୟକ୍ରମ ପାଇଁ ଏହା ଆବଶ୍ୟକ ବୋଲି ସେ କହିଛନ୍ତି ।