ଉତ୍ତରପ୍ରଦେଶ ସମ୍ଭଲରେ ଆଜି ASI ସର୍ଭେ
1 min read
ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶ ସମ୍ଭଲରେ ଆଜି ମନ୍ଦିର ସର୍ଭେ କରିବ ଏଏସଆଇ। ମନ୍ଦିର ସହ ଏହାର ପାଖରେ ଥିବା ଏକ କୂପର ସର୍ଭେ କରିବ ASIର ଟିମ। ସର୍ବେକ୍ଷଣ ଟିମରେ ଖନନ ଏବଂ ଉତ୍ତୋଳକ ସଦସ୍ୟ ସାମିଲ ହୋଇଛନ୍ତି। ସହକାରୀ ପ୍ରତ୍ନତତ୍ତ୍ଵ ଅଧିକାରୀଙ୍କ ସହ ଜଣେ ସର୍ଭେୟରଙ୍କ ନେତୃତ୍ଵରେ ଏହି ସର୍ବେକ୍ଷଣ କରାଯିବ। ଏଏସଆଇ ଟିମ ପ୍ରଥମେ ସମ୍ଭଲ ଜିଲ୍ଲାପାଳଙ୍କ ଅଫିସରେ ଯିବାପରେ ସେଠାରୁ ପୂରାତନ ମନ୍ଦିରସ୍ଥଳକୁ ଯାଇ ସର୍ଭେ କରିବେ। ମନ୍ଦିର ନିକଟରେ ଥିବା ଏକ କୂପର ୨୦ ଫୁଟ ଗଭୀର ଖନନ ପରେ ସେଠାରେ ସର୍ବେକ୍ଷଣ କାମ ବନ୍ଦ ରଖାଯାଇଛି। ମନ୍ଦିର ଭିତରୁ ଅନେକ ପୂରାତନ ଦେବାଦେବୀଙ୍କ ମୂର୍ତ୍ତି ମିଳିଛି।
ଆଜି ଏଏସଆଇର ଟିମ ଅନ୍ୟ କୂଅ ଗୁଡିକର ମଧ୍ୟ ଖନନ କରିବ ବୋଲି ଜଣାପଡିଛି। ସମ୍ଭଲରେ ମହାଦେବ ହନୁମାନ ମନ୍ଦିରରେ ୩ଟି ଦେବାଦେବୀଙ୍କ ମୂର୍ତ୍ତି ଉଦ୍ଧାର ହୋଇଛି। ୧୯୭୮ ପରଠାରୁ ଏହି ମନ୍ଦିର ବନ୍ଦ ରହିଥିଲା। ଡିସେମ୍ବର ୧୪ ତାରିଖରେ ଜବରଦଖଲ ଉଚ୍ଛେଦ କରାଯାଇ ଏହି ମନ୍ଦିରର ଉଦ୍ଧାର କରାଯାଇଥିଲା।
