ସମ୍ବଲପୁରରେ ଜଣ୍ଡିସ ଭୟ ; ଦିନକୁ ଦିନ ବଢୁଛି ଆକ୍ରାନ୍ତଙ୍କ ସଂଖ୍ୟା

ସମ୍ୱଲପୁର : ସମ୍ବଲପୁରକୁ ଘାରିଛି ଜଣ୍ଡିସ ଭୟ । ଦିନକୁ ଦିନ ସମ୍ବଲପୁର ସହରରେ ଜଣ୍ଡିସ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଜଣ୍ଡିସର ସଂକ୍ରମଣକୁ ଦେଖି ସ୍ବାସ୍ଥ୍ୟ ବିଭାଗର ଟିମ ଘରକୁ ଘର ବୁଲି ଲୋକଙ୍କୁ ସଚେତନ କରୁଛି । ବିଶେଷକରି ସମ୍ବଲପୁର ସହରର ପେନସନ ପଡ଼ା , ଶାଳିଆ ବଗିଚା , କୁମ୍ଭାରପଡ଼ାରେ ୭୪ ଜଣ୍ଡିସ ଆକ୍ରାନ୍ତ ଚିହ୍ନଟ ହେବା ପରେ ଟେନସନରେ ସହରବାସୀ । ଡ୍ରେନ ଭିତରେ ପିଇବା ପାଇପ ଲାଇନ ଯାଇଥିବାରୁ ଜଣ୍ଡିସ ବ୍ୟାପୁଥିବା ଲୋକେ ଅଭିଯୋଗ କରିଛନ୍ତି । ତେଣୁ ତୁରନ୍ତ ସେହି ପାଇପ ଲାଇନକୁ ଶୀଘ୍ର ପରିବର୍ତ୍ତନ କରାଯାଉ ବୋଲି ସହରବାସୀ ଦାବି କରିଛନ୍ତି ।