ସୁକନାଇ ପ୍ରୀମୀୟର ଲିଗର ମୁକୁଟ ପିନ୍ଧିଲା ସମ୍ବଲପୁର

ନିଶ୍ଚିନ୍ତକୋଇଲି : ୟଙ୍ଗ ଷ୍ଟାର ସୁକନାଇ ଦ୍ଵାରା ଆୟୋଜିତ ସୁକାନାଇ ପ୍ରୀମିୟର ଲିଗକୁ ବାଜି ମାରିଛି ସମ୍ବଲପୁର। ଏମ.ଏମ.ସି.ସି ସମ୍ବଲପୁର ଏବଂ ପକୱାନ ଜଗତସିଂହପୁର ମଧ୍ୟରେ ହୋଇଥିବା ମ୍ୟାଚରେ ୩୫ ରନରେ ବିଜୟ ହାସଲ କରିଛି ସମ୍ବଲପୁର। ପ୍ରଥମେ ଟସ୍ ଜିତି ସମ୍ବଲପୁର ବ୍ୟାଟିଂ ନିଷ୍ପତ୍ତି ନେଇଥିଲା । ବ୍ୟାଟିଂ କରି ୮ ଓଭରରେ ୩ ୱିକେଟ୍ ହରାଇ ୯୨ ରନ କରିଥିଲା ସମ୍ବଲପୁର। ଏହାର ପ୍ରତିପକ୍ଷରେ ଜଗତସିଂହପୁର ୬ ୱିକେଟ୍ ହରାଇ ୫୭ ରନ କରିଥିଲା। ସଞ୍ଜୟ ମ୍ୟାନ ଅଫ ଦି ମ୍ୟାଚ୍ ହୋଇଥିବା ବେଳେ ଦେବାଶିଷ ହୋଇଥିଲେ ମ୍ୟାନ ଅଫ ଦ ଟୁର୍ଣ୍ଣାମେଣ୍ଟ। ଏସ. କେ. ଫିରୋଜ ଏବଂ ଏସ.କେ ରିହାନ ଅଲ୍ଲୀ ମ୍ୟାଚ୍ ପରିଚାଳନା କରିଥିଲେ।

ପାଞ୍ଚ ଦିନ ଧରି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ୧୬ ଟି ଦଳ ଭାଗ ନେଇଥିଲେ। ରାଜ୍ୟ ସରକାରଙ୍କ ମନ୍ତ୍ରୀ ପ୍ରତାପ ଜେନା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଗାୟତ୍ରୀ ଦେବୀ ଗ୍ରୁପର ଉପ ସଭାପତି ଚିତ୍ତରଞ୍ଜନ ଦେବର୍ତ୍ତା ଓ ଏ.ଏନ.ଆଇ ପ୍ରାଇଭେଟ୍ ଲିମିଟେଟର ଏସ.କେ. ଏନାମ୍ ରସୁଲ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସାଦ ମିର୍ଜା, ନୱାବ ସେକ୍, ହାଫିଜ୍ ଏହମଦ, ଆସିଫ ଇୱିଏଲ୍, ଶେଖ୍ ଆଶିଫ, ହାଇଦର ଅଲ୍ଲୀ, ଇକବଲ୍ ହୋସିଁ, ଅମିନୁଲ, ହଭିବୁର ରେହମାନ ଏବଂ ୟାଇ.ଏସ.ଏସ ଗ୍ରୁପର ସମସ୍ତ ସଦସ୍ୟ ଟୁର୍ଣ୍ଣାମେଣ୍ଟର ଆୟୋଜନ କରିଥିଲେ ।