ନନ୍ଦିଘୋଷ ବ୍ୟୁରୋ: ବିଜେପି ନେତା ଜୟ ନାରାୟଣ ମିଶ୍ରଙ୍କୁ କାଉଣ୍ଟର କଲେ ରେଢ଼ାଖୋଲ ବିଧାୟକ ରୋହିତ ପୂଜାରୀ । ସମ୍ବଲପୁର ବିଜେଡି ବିଧାୟକ ପ୍ରାର୍ଥୀ ଭାବେ ପ୍ରସନ୍ନ ଆଚାର୍ଯ୍ୟ ନାମ ଘୋଷଣା ହୋଇଛି । ହେଲେ ଜୟ ନାରାୟଣ ମିଶ୍ର ପ୍ରସନ୍ନ ଆଚାର୍ଯ୍ୟଙ୍କୁ ବାହାର ଲୋକ ବୋଲି କହିବାରୁ ଜବାବ ରଖିଛନ୍ତି ରୋହିତ ପୂଜାରୀ । ଜୟନାରାୟଣ ମିଶ୍ରଙ୍କ ମନ୍ତବ୍ୟକୁ ଚାଲୁଣୀ କହୁଛି ଛୁଞ୍ଚିକୁ ବୋଲି କହିଛନ୍ତି ରୋହିତ। ଜୟନାରାୟଣଙ୍କ ପାଖରେ କୌଣସି ମୁଦ୍ଦା ନାହିଁ । ପ୍ରସନ୍ନ ଆଚାର୍ଯ୍ୟ ସମ୍ୱଲପୁରରୁ ସଂସଦୀୟ କ୍ଷେତ୍ରରୁ ୩ ଥର ନିର୍ବାଚନ ଜିତିଛନ୍ତି । ରେଢ଼ାଖୋଲରୁ ମଧ୍ୟ ନିର୍ବାଚନ ଲଢ଼ିଛନ୍ତି। ତେଣୁ ସେ କିପରି ସମ୍ବଲପୁର ବାହାରର ନେତା ହେଲେ ବୋଲି ଓଲଟା ଜୟନାରାୟଣଙ୍କୁ ପ୍ରଶ୍ନ କରିଛନ୍ତି ରୋହିତ। ସେପଟେ ସମ୍ବଲପୁର ଲୋକସଭା କ୍ଷେତ୍ରରୁ ଯିଏ ବିଜେପି ପ୍ରାର୍ଥୀ ହୋଇଛନ୍ତି ତାଙ୍କ ଠିକଣା କୋଉଠି ବୋଲି ପ୍ରଶ୍ନ କରିଛନ୍ତି ରୋହିତ।
