ନନ୍ଦିଘୋଷ ବ୍ୟୁରୋ : ସମ୍ବଲପୁରରେ ଘଟିଚାଲିଛି ଗୋଟିଏ ପରେ ଗୋଟିଏ ଅପରାଧ । ବଢି ଚାଲିଛି ମର୍ଡର, ଲୁଟପାଟ, ଠକେଇ । ଅଗଷ୍ଟ ୨୯ରେ ବୁର୍ଲା ଥାନା ଅଞ୍ଚଳରେ ମାଂସ ବ୍ୟବସାୟୀ ମହମ୍ମଦ ଅନିଶକୁ ହତ୍ୟା । ଘଟଣାକୁ ସପ୍ତାହେ ନପୁରୁଣୁ ଗତକାଲି ବିଳମ୍ବିତ ରାତିରେ ପୁଣି ରକ୍ତରେ ଭିଜିଛି ରାସ୍ତା । ଜଣେ ମହିଳାଙ୍କୁ ସାଙ୍ଗରେ ରହୁଥିବା ଜଣେ ଯୁବକ ରାସ୍ତା ଉପରେ ଗୋଡେଇ ଗୋଡେଇ ହାଣିବା ଘଟଣା ସାରା ସହରରେ ଚାଞ୍ଚଲ୍ୟ ଖେଳାଇଛି । ସମଗ୍ର ଜିଲ୍ଲାରେ ବାରମ୍ବାର ଅପରାଧ ବଢି ଚାଲିଥିବା ବେଳେ କାହିଁକି ପୋଲିସ ଚୁପ୍ ବୋଲି ସବୁଠି ଚର୍ଚ୍ଚା ହେଉଛି ।….
ଅପରାଧୀ ଅପରାଧ ଘଟାଉଛି, ଜେଲ ବି ଯାଉଚି । ହେଲ ବାରମ୍ବାର ଜିଲ୍ଲାରେ ହତ୍ୟା ରାହାଜାନୀ ଭଳି ଘଟଣା ସାଧାରଣ ଲୋକଙ୍କୁ ଅସ୍ତବ୍ୟସ୍ତ କରି ପକାଇଛି । ଯାହାକୁ ନେଇ ପୋଲିସର ଭୂମିକାକୁ ନେଇ ଏକ ବଡ଼ ପ୍ରଶ୍ନବାଚି ସୃଷ୍ଟି ହୋଇଛି । ଅପରାଧୀ ପୋଲିସକୁ ଆଉ ଖାତିର କରୁନଥିବା ମନେହେଉଛି ।
ପୋଲିସ କଠୋର ହୋଇ ଅପରାଧ ରୋକିବାକୁ ଅଧିକ ତତ୍ପର ହେବାକୁ ସହରବାସୀ ଦାବି କରିଛିନ୍ତି
