ଘରେ ଶୋଇଥିବା ବେଳେ ନିଆଁ ଲାଗି ମାଆ ଓ ଝିଅଙ୍କ ମୃତ

ସମ୍ଵଲପୁର  : ସମ୍ଵଲପୁର ମାନେଶ୍ଵରରେ ନିଆଁ ଲାଗି ମାଆ ଝିଅଙ୍କ ମୃତ୍ୟୁ। ଘରେ ଶୋଇଥିବା ବେଳେ ନିଆଁ ଲାଗି ମାଆ ଓ ଝିଅଙ୍କ ମୃତ୍ୟୁ ହୋଇଛି। ମୃତକ ହେଲେ ସ୍ନେହଲତା ଦୀକ୍ଷିତ ଓ ସୈରେନ୍ଦ୍ରୀ ଦିକ୍ଷୀତ। ସ୍ନେହଲତାଙ୍କ ବୟସ ପ୍ରାୟ ୯୦ ବର୍ଷ ହେବ ଓ ସୈରେନ୍ଦ୍ରୀଙ୍କ ବୟସ ପ୍ରାୟ ୬୦ ବର୍ଷ। ସେମାନେ ଦ୍ଵିତୀୟ ମହଲାରେ ରହୁଥିଲେ। ନିଆଁ ଲାଗିଥିବାର ଖବର ପରେ ଅଗ୍ନିଶମ ବାହିନୀ ଆସି ନିଆଁ  ଲିଭାଇଥିଲେ। କେମିତି ନିଆଁ ଲାଗିଲା, ଏଯାଏ ସ୍ପଷ୍ଟ ହୋଇନି। ପୋଲିସ ଆସି ତଦନ୍ତ କରୁଛି। ସାଇଣ୍ଟିଫିକ ଟିମ ମଧ୍ୟ ପହଞ୍ଚିଛି।  ସେପଟେ ମୃତକଙ୍କ ସାନ ଝିଅ ଅଭିଯୋଗ କରିଛନ୍ତି, ଜମି ବାଡ଼ି ପାଇଁ ମାଆ ଓ ବଡ଼ ଭଉଣୀଙ୍କୁ ହତ୍ଯା କରାଯାଇଛି। ନିଜର ଭାଇ ଓ ଭାଉଜ ଏହି କାଣ୍ଡ କରିଥିବା ସେ ଅଭିଯୋଗ କରିଛନ୍ତି। ପୁଅ କିନ୍ତୁ ଏହାକୁ ଖଣ୍ଡନ କରିଛନ୍ତି।