ସମ୍ବଲପୁରରେ ପରୀକ୍ଷାର୍ଥୀଙ୍କ ପାଇଁ ଆସନ୍ତାକାଲି କର୍ଫ୍ୟୁ କୋହଳ
1 min read
ସମ୍ବଲପୁର: ଆସନ୍ତାକାଲି ସମ୍ବଲପୁରରେ ହେବ ଏଏସଓ ଓ ସିଡିଏସ ପରୀକ୍ଷା । ଏଥିପାଇଁ ପରୀକ୍ଷାର୍ଥୀଙ୍କ ପାଇଁ କୋହଳ କରାଯାଇଛି କର୍ଫ୍ୟୁ । ସକାଳ ୭ଟା ୩୦ରୁ ୧୦ଟା ୩୦ ପର୍ଯ୍ୟନ୍ତ କର୍ଫ୍ୟୁ କୋହଳ । ଅପରାହ୍ନ ୪ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ କର୍ଫ୍ୟୁ କୋହଳ କରାଯାଇଛି । ନିର୍ଦ୍ଦିଷ୍ଟ ବସରେ ପରୀକ୍ଷା ପାଇଁ ଯିବାଆସିବା କରିବେ ଛାତ୍ରଛାତ୍ରୀ । ଏଥିପାଇଁ ଛାତ୍ରଛାତ୍ରୀଙ୍କୁ ଜିଲ୍ଲା ପ୍ରଶାସନ ଯୋଗାଇ ଦେବ ବସ୍ । କ୍ଷେତରାଜପୁର ରେଳ ଷ୍ଟେସନରୁ ବାହାରିବ ୩ଟି ବସ୍ ।
ବସଷ୍ଟାଣ୍ଡ ଓ ରେଳ ଷ୍ଟେସନରୁ ପରୀକ୍ଷାର୍ଥୀଙ୍କୁ ଅଣାଯିବ । ସିଟି ରେଳଷ୍ଟେସନରୁ ଗୋଟିଏ, ଅଇଁଠାପାଲି ବସଷ୍ଟାଣ୍ତରୁ ୩ବସ୍ ବାହାରିବ । ASO ଓ CDS ପରୀକ୍ଷାର୍ଥୀ ଆଡମିଟ କାର୍ଟ ଆଣିବାକୁ ପରାମର୍ଶ ଦିଆଯାଇଛି । ଛାତ୍ରଛାତ୍ରୀଙ୍କ ପାଇଁ ପେଡ ଲଞ୍ଚର ବ୍ୟବସ୍ଥା କରିଛି ପ୍ରଶାସନ । କର୍ଫ୍ୟୁ କୋହଳ ବେଳେ ଲୋକେ ଅତ୍ୟାବଶ୍ୟକ ସାମଗ୍ରୀ ମଧ୍ୟ କିଣିପାରିବେ । ଏନେଇ ସୂଚନା ଦେଇଛନ୍ତି ସମ୍ବଲପୁର ଜି୍ଲାପାଳ ଅନନ୍ୟା ଦାସ ।
