ସରିଲା ଅନନ୍ୟା-ଚଞ୍ଚଲଙ୍କ ନିର୍ବନ୍ଧ, ବିବାହ କରିବେ ଦୁଇ IAS

ନନ୍ଦିଘୋଷ ବ୍ୟୁରୋ: ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି ଦୁଇ IAS  । ସରିଛି ନିର୍ବନ୍ଧ, ୩ ମାସ ଭିତରେ ବିବାହ କରିବେ ।   ସମ୍ବଲପୁର ଜିଲ୍ଲାପାଳ ଅନନ୍ୟା ଦାସ  ଓ ବଲାଙ୍ଗୀର ଜିଲ୍ଲାପାଳ ଚଞ୍ଚଲ ରାଣାଙ୍କ ମଧ୍ୟରେ ହେବ ବିବାହ । ଉଭୟେ ଦିତ୍ୱୀୟ ବିବାହ କରିବାକୁ ଯାଉଛନ୍ତି  । ପୂର୍ବରୁ ଅନନ୍ୟା ଦାସ ବର୍ତ୍ତମାନର କୋରାପୁଟ ଜିଲ୍ଲାପାଳ ଅବଦଲ୍ଲ ଅଖତରଙ୍କ ସହ ବିବାହ କରିଥିଲେ  । ସେହିପରି ଚଞ୍ଚଲ ସରାଣା ବର୍ତ୍ତମାନର ରାୟଗଡ଼ା ଜିଲ୍ଲାପାଳ ସ୍ୱଧାଦେବ ସିଂହଙ୍କ ସହ ବିବାହ କରିଥିଲେ  ।

ଉଭୟ ଯୋଡିରେ ଦେଖାଯାଇଥିଲା ଫାଟ  । ଉଭୟଙ୍କ ବିବାହ ବିଛେଦ ଘଟିବା ପରେ ଅନନ୍ୟା ଓ ଚଞ୍ଚଲ ହାତ ଧରିବାକୁ ଯାଉଛନ୍ତି  ।  ଗତକାଲି ଦୁଇ ଆଇଏଏସଙ୍କର ନିରାଡ଼ମ୍ବର ଭାବେ ନିର୍ବନ୍ଧ ସମ୍ପନ ହୋଇଛି । ସମ୍ବଲପୁର ଜିଲ୍ଲାପାଳଙ୍କ ବାସଭବନରେ ନିର୍ବନ୍ଧ କାର୍ଯ୍ୟ ସମାପନ ହୋଇଛି l ଉଭୟ ପକ୍ଷର ଘନିଷ୍ଠ ବନ୍ଧୁ ଓ ପରିବାର ସଦସ୍ୟ ନିର୍ବନ୍ଧ କାର୍ଯ୍ୟରେ ସାମିଲ ହୋଇଥିଲେ ।