ସାମନ୍ତରାପୁର ମିଠା ଦୋକାନୀକୁ ହତ୍ୟା ମାମଲା: ଷଡଯନ୍ତ୍ରକାରୀକୁ ୨ ଦିନିଆ ରିମାଣ୍ଡରେ ଆଣିଲା ପୋଲିସ

ଭୁବନେଶ୍ୱର: ସାମନ୍ତରାପୁର ମିଠା ଦୋକାନୀକୁ ହତ୍ୟା ମାମଲା । ଷଡଯନ୍ତ୍ରକାରୀ ରାଜ କିଶୋର ବେହେରାଙ୍କୁ ୨ ଦିନିଆ ରିମାଣ୍ଡରେ ଆଣିଲା  ଲିଙ୍ଗରାଜ ଥାନା ପୋଲିସ । ରିମାଣ୍ଡ ଅନୁମତି ଦେଲେ ଭୁବନେଶ୍ୱର ଏସଡିଜେଏମ କୋର୍ଟ । ରାଜାକୁ ୫ ଦିନ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଥିଲା ପୋଲିସ । ତେବେ କୋର୍ଟ ୫ ଦିନ ବଦଳରେ ୨ ଦିନ ରିମାଣ୍ଡରେ ନେବା ପାଇଁ ଅନୁମତି ଦେଇଛି ।  ହତ୍ୟାକାଣ୍ଡକୁ ନେଇ ପୋଲିସ ଅଧିକ ପ୍ରମାଣ ଖୋଜୁଥିବା ବେଳେ ଦୁଇ ଦିନର ରିମାଣ୍ଡ ପୋଲିସ ପାଇଁ ବହୁତ ସହାୟକ ରହିବ ।

ଏହି ରିମାଣ୍ଡରେ ପୋଲିସକୁ ହତ୍ୟାକାଣ୍ଡକୁ ନେଇ ଆହୁରି ଅଧିକ ପ୍ରମାଣ ପାଇବ ବୋଲି ପୋଲିସ୍‌ ନିଜେ ସୂଚନା ଦେଇଛି । ତେବେ ରିମାଣ୍ଡ ଅବଧି ସମୟରେ ପୋଲିସ ହତ୍ୟା କାଣ୍ଡର ବିଭିନ୍ନ ଦିଗକୁ ନେଇ ଅଭିଯୁକ୍ତକୁ ପ୍ରଶ୍ନ କରିପାରେ ବୋଲି ଅନୁମାନ କରାଯାଉଛି । ହତ୍ୟା ପାଇଁ କେତେ ଦିନ ପୂର୍ବରୁ ଡିଲ ହୋଇଥିଲା ? ହତ୍ୟା ପାଇଁ କିଏ ସୁପାରି ଦେଇଥିଲା ? ଏହାକୁ ଛାଡ଼ି ପୂର୍ବରୁ କେତେ ସୁପାରି ନେଇଛି ? ହତ୍ୟା ପାଇଁ ମାରଣାସ୍ତ୍ର ତିଆରି ପାଇଁ କେଉଁଠି ଦିଆଯାଇଥାଏ ? ଏଭଳି ଅନେକ ପ୍ରଶ୍ନକୁ ନେଇ ରିମାଣ୍ଡ ସମୟରେ ଜେରା କରିପାରେ ପୋଲିସ ।