ନନ୍ଦିଘୋଷ ବ୍ୟୁରୋ: କଂଗ୍ରେସର ଦରିଆପାରି ଶାଖା ମୁଖ୍ଯ ପଦରୁ ଶାମ୍ ପିଟ୍ରୋଡାଙ୍କ ଇସ୍ତଫା। ତାଙ୍କର ଇସ୍ତଫା ପତ୍ରକୁ ସେ କଂଗ୍ରେସ ଅଧ୍ଯକ୍ଷ ମଲ୍ଲିକାର୍ଜୁନ ଖଡଗେଙ୍କ ନିକଟକୁ ପଠଇଛନ୍ତି। ନିର୍ବାଚନ ଚାଲିଥିବାବେଳେ ବାରମ୍ବାର ବିବାଦୀୟ ବୟାନ ଦେଇ କଂଗ୍ରେସ ଲାଗି ଅଡୁଆ ପରିସ୍ଥିତି ସୃଷ୍ଟି କରିଥିଲେ ପିଟ୍ରୋଡା। ତାଙ୍କର ଇସ୍ତଫା ନେଇ ସୂଚନା ଦେଇଛନ୍ତି ବରିଷ୍ଠ ନେତା ଜୟରାମ ରମେଶ। ତାଙ୍କ ଇସ୍ତଫା ପତ୍ରକୁ ଗ୍ରହଣ କରିଛନ୍ତି ଖଡଗେ। ଏକ ସାକ୍ଷାତକାରରେ ପିଟ୍ରୋଡା କହିଥିଲେ- ଭାରତ ଏକ ବିଭିନ୍ନତାରେ ଭରା ରାଜ୍ଯ। ଭାରତର ପୂର୍ବ ଦିଗର ଲୋକମାନେ ଚୀନଙ୍କ ପରି ଦେଖାଯାନ୍ତି। ପଶ୍ଚିମାଞ୍ଚଳର ଲୋକମାନେ ଆରବ, ଉତ୍ତରାଞ୍ଚଳର ଲୋକମାନେ ଶ୍ବେତବର୍ଣ୍ଣ ଦେଖାଯାନ୍ତି। ତେବେ ଦକ୍ଷିଣ ଭାରତର ଲୋକମାନେ ଆଫ୍ରିକୀୟଙ୍କ ପରି ଦେଖାଯାନ୍ତି। ପୂର୍ବରୁ ସମ୍ପତ୍ତିଗତ ଅଧିକାର ନେଇ ପିଟ୍ରୋଡା ଦେଇଥିବା ବୟାନ ସାରା ଦେଶରେ ବିବାଦ ସୃଷ୍ଟି କରିଥିଲା।
