ପିଲାଦିନର ପ୍ରେମକୁ ନେଇ ମୁହଁ ଖୋଲିଲେ ସଲମାନ୍‌, କହିଲେ ତାକୁ ବାହା ହୋଇଥିଲେ…

 ମୁମ୍ବାଇ: ସଲମାନଙ୍କ ଜୀବନରେ ଅନେକ ଝିଅ ଆସିଛନ୍ତି ଏବଂ ଯାଇଛନ୍ତି । ଅନେକଙ୍କ ସହିତ ଅଫେୟର ମଧ୍ୟ ଥିଲା, ଯାହାର ଖୁଲାସା ସେ ନିଜେ କରିଛନ୍ତି  । କିନ୍ତୁ ଏତେ ସବୁ ପରେ ମଧ୍ୟ ସେ ଏବେ ବି ଏକା ଅଛନ୍ତି । ଧୀରେ ଧୀରେ ଫ୍ୟାନ୍ସ ମଧ୍ୟ ତାଙ୍କ ବିବାହକୁ ନେଇ ଆଶା ଛାଡ଼ି ସାରିଲେଣି । କିନ୍ତୁ ଖୁବ୍‌ କମ୍‌ ଲୋକ ଜାଣିଥିବେଯେ, ପିଲାଦିନେ ଜଣେ ଝିଅକୁ ସେ ଖୁବ୍‌ ଭଲ ପାଉଥିଲେ ଏବଂ ବିବାହ ପାଇଁ ସ୍ୱପ୍ନ ମଧ୍ୟ ଦେଖିଥିଲେ ।  ଯାହା ତାଙ୍କର ଏକ ପୁରୁଣା ଭିଡ଼ିଓରୁ ଜଣାପଡ଼ୁଛି । ବାସ୍ତବରେ ସଲମାନଙ୍କର ଭାଇରାଲ ହେଉଥିବା ଭିଡ଼ିଓରେ କାଜୋଲ ଏବଂ ଅଜୟ ଦେବଗନଙ୍କୁ ଦେଖିବାକୁ ମିଳିଛି ଏବଂ ସଲମାନ ତାଙ୍କ ରାଜ୍‌ ଖୋଲିଛନ୍ତି ।

https://www.youtube.com/watch?v=s1St6S43PgA&feature=emb_title

ସଲମାନ୍‌ ରାଜ୍‌ ତ ଖୋଲିଛନ୍ତି, କିନ୍ତୁ ଏହା ମଧ୍ୟ କହିଛନ୍ତିଯେ, ସେ ସେହି ଝିଅକୁ ହୃଦୟର କଥା ନ କହି ଭଲ କରିଛନ୍ତି । ଯଦି କହି ଦେଇଥାନ୍ତେ ତେବେ ଜେଜେ ହୋଇ ସାରିଥାନ୍ତେ ।

ତେବେ ବିଗବସର ଏକ ସିଜନରେ କାଜୋଲ ଏହି ରାଜ୍‌ କଥା ସଲମାନଙ୍କୁ ପଚାରିଥିଲେ । ସଲମାନ କହିଲେଯେ, ସେ ଝିଅକୁ ଖୁବ୍‌ ପସନ୍ଦ କରୁଥିଲେ, କିନ୍ତୁ କହିଦେଲେ ହୁଏତ ସେ ରାଗିଯାଇ କଥା ହେବନି ସେହି ଡରରେ କେବେ ମଧ୍ୟ କହିନଥିଲେ । କିନ୍ତୁ ପରେ ଜାଣିବାକୁ ପାଇଲେଯେ, ସେ ଝିଅ ମଧ୍ୟ ତାଙ୍କୁ ପସନ୍ଦ କରୁଥିଲା । ତେବେ ୧୫ ବର୍ଷ ପୂର୍ବେ ସେହି ଝିଅ ସହିତ ସାକ୍ଷାତ ହୋଇଥିଲା ବୋଲି ସେ କହିଥିଲେ ।