ଧମକ ମିଳିବା ପରେ ବଢ଼ାଗଲା ସଲମାନ ଖାନଙ୍କ ସୁରକ୍ଷା

ମୁମ୍ବାଇ: ବଲିଉଡ ମେଗାଷ୍ଟାର ସଲମାନ ଖାନଙ୍କ ସୁରକ୍ଷା ବଢ଼ାଇଛି ମୁମ୍ବାଇ ପୋଲିସ । ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ ଗ୍ୟାଙ୍ଗ ଧମକ ଦେବା ପରେ ସୁରକ୍ଷା ବୃଦ୍ଧି କରାଯାଇଛି । ପୂର୍ବରୁ ମଧ୍ୟ ହତ୍ୟା ଧମକ ପରେ ସୁରକ୍ଷା ବଢ଼ାଯାଇଥିଲା । ଏବେ ପୂର୍ବଠାରୁ ଆହୁରି ଅଧିକ କଡ଼ାକଡ଼ି କରାଯାଇଛି ସୁରକ୍ଷା । ଜୀବନରୁ ମାରିଦେବାକୁ ଧମକ ମିଳିବା ପରେ ତାଙ୍କୁ Xପ୍ଲସ୍ ସୁରକ୍ଷା ଦିଆଯାଇଥିଲା ।

କିନ୍ତୁ ଏବେ ମୁମ୍ବାଇ ପୋଲିସର ପ୍ରୋଟେକ୍ସନ ବ୍ରାଞ୍ଚ ସଲମନ ଖାନଙ୍କ ସୁରକ୍ଷାକୁ ଦୃଷ୍ଟିରେ ରଖି ସୁରକ୍ଷା ବୃଦ୍ଧି କରି Yପ୍ଲସ୍ କରିଦେଇଛି । ପଞ୍ଜାବରେ ସିଦ୍ଧୁ ମୁଜେୱାଲାଙ୍କ ହତ୍ୟା ପରେ ପୋଲିସ ଅଧିକ ସତର୍କ ହୋଇଛି । ସଲମାନ ଖାନଙ୍କ ସହ ପୂର୍ବରୁ ଜଣେ ପୋଲିସ କର୍ମଚାରୀ ହାତରେ ବନ୍ଧୁକ ଧରି ସବୁବେଳେ ନିୟୋଜିତ ରହୁଥିଲେ । କିନ୍ତୁ ଏବେ ଦୁଇଜଣ ପୋଲିସ କର୍ମୀ ୨୪ ଘଣ୍ଟା ବନ୍ଧୁକ ଧରି ତାଙ୍କ ସହ ରହିବେ ।