ସଲମାନ ଖାନଙ୍କ ୟୁଟ୍ୟୁବ ଚ୍ୟାନାଲରେ ରିଲିଜ ହେବ ପ୍ରଥମ ଗୀତ “ପ୍ୟାର କରୋନା”

ମୁମ୍ବାଇ: ବଲିଉଡର ଦବଙ୍ଗ ଖାନ ସଲମାନ ଖାନ, କରୋନା ଭୂତାଣୁ ନେଇ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ଚେଷ୍ଟା କରିଛନ୍ତି । କେବଳ ଭାଇଜାନ ନୁହଁନ୍ତି ବଲିଉଡ଼ର ଅନେକ ସେଲିବ୍ରିଟିମାନେ ଲୋକଙ୍କୁ ସଚେତନ କରିବାକୁ ଗୋଟେ ପରେ ଗୋଟେ ଭିଡ଼ିଓ ସେୟାର କରୁଛନ୍ତି । ଏହା ପୂର୍ବରୁ ସଲମାନଙ୍କର ଏକ ଭିଡିଓ ମଧ୍ୟ ଭାଇରାଲ ହୋଇଥିଲା । ଯେଉଁଥିରେ ସୋସିଆଲ ମିଡିଆ ମାଧ୍ୟମରେ ସେ ଜନସାଧାରଣକୁ ଘରେ ରହିବା ପାଇଁ ନିବେଦନ କରିଛନ୍ତି। ଏଥି ସହିତ ସେ ଲକଡାଉନ୍ ନିୟମ ଉଲଂଘନ କରୁଥିବା ଲୋକଙ୍କ ଉପରେ ମଧ୍ୟ କ୍ଷୋଭ ପ୍ରକାଶ କରିଛନ୍ତି ।

So I’m posting from my handle to let you know that tmmrw on my YouTube channel, mine kya? It’s ours! Song out tmrw on it, hope u can handle it. #PyaarKaronaOutTomorrow @SajidMusicKhan @wajidkhan7 @adityadevmusic @hussainthelal #stayhome #lockdown #newmusic #indiafightscorona pic.twitter.com/YkjValby68

— Salman Khan (@BeingSalmanKhan) April 19, 2020

ସଲମାନ ଖାନ୍ ତାଙ୍କ ପ୍ରଶଂସକମାନଙ୍କୁ ସାମାଜିକ ଦୂରତା ପାଇଁ କହିଛନ୍ତି । ଏହାସହ ସେ ନିଜେ ତାଙ୍କ ପରିବାର ସହ ଆଇସୋଲେସନରେ ମଧ୍ୟ ରହିଛନ୍ତି । ଏବେ ସଲମାନ ଏହି ସଂକ୍ରମଣ ନେଇ ସଚେତନତା ସୃଷ୍ଟି କରିବା ପାଇଁ ଏକ ନୂଆ ଉପାୟ ଅବଲମ୍ବନ କରିଛନ୍ତି। ସଲମାନ ଏଥିପାଇଁ ଏକ ନୂଆ ଗୀତ ଆଣିଛନ୍ତି। ଏହି ଗୀତ ଆସନ୍ତା କାଲି ରିଲିଜ ହେବ । ଏହି ଗୀତ ବିଷୟରେ ସଲମାନ ନିଜ ଟ୍ୱିଟର ଆକାଉଣ୍ଟ ମାଧ୍ୟମରେ ଦେଇଛନ୍ତି। ସଲମାନ ତାଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରେ ଏକ ପ୍ରୋମୋ ଭିଡିଓ ସେୟାର କରିଛନ୍ତି । ଆସନ୍ତାକାଲି ତଥା ଏପ୍ରିଲ ମାସ ୨୦ ତାରିଖରେ ଏହି ଗୀତଟି ରିଲିଜ ହେବାକୁ ଯାଉଛି।