ଧୁମ ୪’ରେ ନଜର ଆସିବେ ଖିଲାଡ଼ି କୁମାର ଓ ଭାଇଜାନ !

ମୁମ୍ବାଇ: ‘ଧୁମ୍’ର ତିନୋଟି ଯାକ ସିକ୍ୱେଲକୁ ଫ୍ୟାନ୍ସ ଖୁବ୍ ପସନ୍ଦ କରିଛନ୍ତି। ଧୁମର ପ୍ରଥମ ସିକ୍ୱେଲ ବା ଭାଗରେ ଜନ୍ ଅବ୍ରହାମ ଏବଂ ଅଭିଷେକ ବଚ୍ଚନଙ୍କ ଯୋଡ଼ିକୁ ଖୁବ ପସନ୍ଦ କରାଯାଇଥିଲା । ଦ୍ୱିତୀୟ ସିକ୍ୱେଲରେ ହ୍ରିତିକ ଏବଂ ତୃତୀୟ ସିକ୍ୱେଲରେ ଆମୀର ଖାନ ନଜର ଆସିଥିଲେ। ଯଦିଓ ଅଭିଷେକ ତିନୋଟି ଯାକ ସିକ୍ୱେଲରେ ନଜର ଆସିଛନ୍ତି । ବର୍ତ୍ତମାନ ଏହାର ଚତୁର୍ଥ ସିକ୍ୱେଲ ଆସିବାର ପ୍ରସ୍ତୁତି ଆରମ୍ଭ ହୋଇସାରିଛି ।

ଏହି ସିକ୍ୱେଲକୁ ନେଇ କିଛି ତଥ୍ୟ ମଧ୍ୟ ସାମ୍ନାକୁ ଆସିଛି । ଏଥର ଫ୍ୟାନ୍ସ ଏକ ନୂଆ ଯୋଡ଼ିକୁ ପରଦାରେ ଦେଖିପାରନ୍ତି । ଏହି ସିକ୍ୱେଲରେ ଅକ୍ଷୟ କୁମାର ଏବଂ ସଲମାନ ଖାନ ଭଳି ଦମଦାର ଯୋଡ଼ିକୁ ଫ୍ୟାନ୍ସ ଦେଖିବାକୁ ଯାଉଛନ୍ତି । ନିକଟରେ ଦୁଇଜଣ ଷ୍ଟାରଙ୍କ ପୋଷ୍ଟର ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ସଲମାନ ଏବଂ ଅକ୍ଷୟଙ୍କ ପ୍ରଶଂସକମାନେ ଏନେଇ ଟ୍ୱିଟରରେ ଖୁବ ଆକ୍ଟିଭି ମଧ୍ୟ ଅଛନ୍ତି ।

‘ଧୁମ ୪’ରେ ଅକ୍ଷୟ କୁମାର ଏବଂ ସଲମାନ ଖାନଙ୍କ ନଜର ଆସିବା ନେଇ ସୋସିଆଲ ମିଡିଆରେ ଜୋରସୋରରେ ଖବର ଭାଇରାଲ ହେବାରେ ଲାଗିଛି। ଫ୍ୟାନ୍ସଙ୍କ ଦ୍ୱାରା ସେୟାର କରାଯାଇଥିବା ଏକ ପୋଷ୍ଟରରେ ଅକ୍ଷୟଙ୍କୁ ଆକ୍ସନ ମୋଡରେ ଦେଖିବାକୁ ମିଳିଛି  । ଏହା ବ୍ୟତୀତ ଅଭିନେତା ‘ଧମ୍ ୪’ ସମ୍ବନ୍ଧରେ ୟଶ ରାଜ ଫିଲ୍ମର ଆଦିତ୍ୟ ଚୋପ୍ରାଙ୍କୁ ଭେଟିଥିବା ମଧ୍ୟ ଖବର ଆସୁଛି । ଯହାକୁ ନେଇ ଚର୍ଚ୍ଚା ହେବାରେ ଲାଗିଛି । ଏଭଳି ଖବର ଆସିବା ପରେ ମଧ୍ୟ କାହାଠାରୁ କିଛି ବି ପ୍ରତିକ୍ରିୟା ଆସିପାରିନାହିଁ । କିଛି ସୋସିଆଲ ମିଡିଆ ବ୍ୟବହାରକାରୀ ଏହାକୁ ଗୁଜବ ଏବଂ ମିଛ ଖବର ବୋଲି କୁହାଯାଉଛି ।

ୟଶ ରାଜ ଫିଲ୍ମସ୍ ବ୍ୟାନରରେ ନିର୍ମିତ ‘ଧୁମ୍’ ହେଉଛି ବଲିଉଡର ଦ୍ୱିତୀୟ ବୃହତ୍ତମ ଚଳଚ୍ଚିତ୍ର, ଯାହା ବକ୍ସ ଅଫିସରେ ଖୁବ୍ ସଫଳତା ପାଇଛି । ଯଦିଓ ସଲମାନ ଖାନ ଏବେ ରବି ତେଜାଙ୍କ ଫିଲ୍ମ ‘ଖିଲାଡି’ର ହିନ୍ଦୀ ରିମେକ୍ ଯୋଜନାକୁ ବ୍ୟସ୍ତ ଅଛନ୍ତି। ସୂଚନା ଅନୁଯାୟୀ ଏହି ତେଲୁଗୁ ଚଳଚ୍ଚିତ୍ରର ରିମେକର ହେବା ନେଇ କଥାବାର୍ତ୍ତା ସରିଛି । ତେବେ ଅନ୍ୟପଟେ ଅକ୍ଷୟ କୁମାରଙ୍କ ‘ସୂର୍ଯ୍ୟବଶୀଂ’ ରିଲିଜ ହେବାକୁ ଯାଉଛି। ଗତ ମାର୍ଚ୍ଚରୁ ପ୍ରଶଂସକମାନେ ଏହାର ରିଲିଜକୁ ଅପେକ୍ଷା କରିଛନ୍ତି। କୁହାଯାଉଛି ଯେ, ଏହା ୨୦୨୧ରେ ଫିଲ୍ମ ହଲରେ ରିଲିଜ ହେବାର ପ୍ରଥମ ଫିଲ୍ମ ହେବ ।