କରୋନା ଯୁଦ୍ଧ: କମିଲା ସାଂସଦଙ୍କ ଦରମା,ରାଷ୍ଟ୍ରପତି-ଉପରାଷ୍ଟ୍ରପତିଙ୍କ ଦରମାରେ ୩୦ ପ୍ରତିଶତ ହ୍ରାସ

ନୂଆଦିଲ୍ଲୀ: କରୋନା ବିରୋଧରେ ଯୁଦ୍ଧକୁ ନେଇ ନରେନ୍ଦ୍ର ମୋଦି ସରକାର ଏକ ବଡ ନିଷ୍ପତ୍ତି ନେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ସୋମବାର ବସିଥିବା ବୈଠକରେ ଆଗାମୀ ଦୁଇ ବର୍ଷ ପାଇଁ ସାଂସଦ ପାଣ୍ଠିକୁ ସ୍ଥଗିତ ନିଷ୍ପତ୍ତି ନିଆଯାଇଛି । ଏହା ସହ ସାଂସଦଙ୍କ ଦରମା ମଧ୍ୟ ୩୦ ପ୍ରତିଶତ ହ୍ରାସ କରାଯାଇଛି ।

କରୋନା ବିରୋଧି ଲଢେଇ ପାଇଁ ଅର୍ଥ ଯୋଗାଡ କରିବା ଲକ୍ଷ୍ୟରେ ମୋଦି ସରକାର କିଛି ନୂଆ ନିଷ୍ପତ୍ତି ନେଇଛନ୍ତି । ଏହି ନିଷ୍ପତ୍ତି ଅନ୍ତର୍ଗତରେ ସାଂସଦ ପାଣ୍ଠିକୁ ଦୁଇ ବର୍ଷ ପାଇଁ ସ୍ଥାଗିତ ରଖାଯାଇଛି । ସାଂସଦ ପାଣ୍ଠି ହିସାବରେ ପ୍ରତି ସାଂସଦଙ୍କୁ ବାର୍ଷିକ ୧୦ କୋଟି ଟଙ୍କା ମିଳୁଥିଲା । ଅର୍ଥାତ ବର୍ଷକୁ ୭ ହଜାର ୯ ଶହ କୋଟି ଟଙ୍କା ଏବାବଦରେ ସରକାର ଯୋଗାଡ କରିପାରିବେ । ଏହି ୭ ହଜାର ୯ ଶହ କୋଟି ଟଙ୍କା କନସୋଲିଡେସନ୍ ଫଣ୍ଡକୁ ଯିବ । ଯାହାକୁ କରୋନା ମୁକାବିଲା ପାଇଁ ଖର୍ଚ୍ଚ କରାଯିବ ।

କେବଳ ଏତିକି ନୁହେଁ ,ଅର୍ଥ ଯୋଗାଡ ପାଇଁ କେନ୍ଦ୍ର କ୍ୟାବିନେଟ୍ ସାଂସଦଙ୍କ ଦରମାରେ ୩୦ ପ୍ରତିଶତ ହ୍ରାସ କରାଇଛନ୍ତି । ୧ ବର୍ଷ ପର୍ଯ୍ୟନ୍ତ ସାଂସଦ ନିଜ ଦରମାରେ ୭୦ ପ୍ରତିଶତ ପାଇବେ ।

ରାଷ୍ଟ୍ରପତି,ଉପରାଷ୍ଟ୍ରପତି ଓ ରାଜ୍ୟପାଳଙ୍କ ଦରମାରେ ମଧ୍ୟ ୩୦ ପ୍ରତିଶତ ହ୍ରାସ କରାଯାଇଛି । ରାଷ୍ଟ୍ରପତି ଓ ଉପରାଷ୍ଟ୍ରପତିଙ୍କ ସମେତ  ରାଜ୍ୟପାଳମାନେ ସ୍ୱେଛାରେ ଦରମା କାଟିବା ପାଇଁ ପ୍ରସ୍ତାବ ଦେଇଥିଲେ ।

ମୁଖ୍ୟାଂଶ

୧. ଦୁଇ ବର୍ଷ ପର୍ଯ୍ୟନ୍ତ ସ୍ଥଗିତ ହେଲା ସାଂସଦ ପାଣ୍ଠି

୨. ବର୍ଷକୁ ସାଂସଦଙ୍କୁ ମିଳୁଥିଲା ୧୦ କୋଟି,ସମସ୍ଥ ପାଣ୍ଠି କନସୋଲିଡେସନ୍ ଫଣ୍ଡକୁ ଯିବ

୩.  ସାଂସଦ ପାଣ୍ଠି ସ୍ଥଗିତ ହେବା କାରଣରୁ ମିଳିବ ୭ ହଜାର ୯ଶହ କୋଟି

୪. ୭ ହାଜର ୯ ଶହ କୋଟି ଟଙ୍କାକୁ କରୋନା ମୁକାବିଲା ପାଇଁ ଖର୍ଚ୍ଚ କରାଯିବ

୫. ସବୁ ସାଂସଦଙ୍କ ଦରମା ୩୦ ପ୍ରତିଶତ କଟାଗଲା

୬. ରାଷ୍ଟ୍ରପତି,ଉପ ରାଷ୍ଟ୍ରପତି,ରାଜ୍ୟପାଳଙ୍କ ଦରମା ମଧ୍ୟ ୩୦ ପ୍ରତିଶତ କଟିବ