ନୂଆଦିଲ୍ଲୀ: କୁସ୍ତିରୁ ସନ୍ୟାସ ନେଲେ ଯୁବ ରେସଲର୍ ସାକ୍ଷୀ ମଲିକ। ରେସଲିଂ ଫେଡେରେସନ୍ ଅଫ ଇଣ୍ଡିଆ (WFI)ର ନୂଆ ସଭାପତି ଚୟନ ପରେ କୁସ୍ତି ଛାଡିଲେ ସାକ୍ଷୀ। ସାମ୍ବାଦିକ ସମ୍ମିଳନୀରେ ସେ କହିଛନ୍ତି, ମୁଁ କୁସ୍ତିର ସନ୍ୟାସ ନେଉଛି। WFI ନିର୍ବାଚନ ବୃଜଭୂଷଣଙ୍କ ପରି ଆଉ ଜଣେ ବ୍ୟକ୍ତି ଜିତିଗଲେ।
ରେସଲର ବଜରଙ୍ଗ ପୁନିଆ କହିଛନ୍ତି, ଖେଳ ମନ୍ତ୍ରୀ ପୂର୍ବରୁ କହିଥିଲେ ଯେ ବୃଜଭୂଷଣ ଶରଣ ସିଂହଙ୍କ ସହ ସଂଶ୍ଲିଷ୍ଟ କୌଣସି ବ୍ୟକ୍ତି ଫେଡେରେସନକୁ ଆସିବେ ନାହିଁ। କିନ୍ତୁ ମୋତେ ଲାଗୁନି ଝିଅଙ୍କୁ ନ୍ୟାୟ ମିଳିବ ବୋଲି। ଆଜିର ନିର୍ବାଚନରେ ବୃଜଭୂଷଣର ନିଜ ଲୋକ ଜିତିଯାଇଛନ୍ତି। ସରକାର ଆମକୁ ନ୍ୟାୟ ଦେବାରେ ବିଫଳ ହୋଇଛି କିନ୍ତୁ ନ୍ୟାୟପାଳିକା ଉପରେ ବିଶ୍ୱାସ ରହିଛି । ସେ ଆମକୁ ନିଶ୍ଚୟ ନ୍ୟାୟ ଦେବେ।
ସାକ୍ଷୀଙ୍କ ସନ୍ୟାସ ନେବା ଅବସରରେ ବିନେଶ ଫୋଗୋଟ୍ ଭାବବିହ୍ୱଳ ହୋଇପଡିଥିଲେ । ସେ କହିଛନ୍ତି ଯେ ଏହି ଘଟଣା ସତରେ ଦୁଃଖଦାୟକ। ଆମେ ଲଢିବାକୁ ଚେଷ୍ଟା କରିଥିଲୁ କିନ୍ତୁ ଆମକୁ ନ୍ୟାୟ ମିଳିଲା ନାହିଁ । ଏବେ କୁସ୍ତିର ଭବିଷ୍ୟ ଅନ୍ଧକାର ଆଡକୁ ଗତି କରୁଛି ବୋଲି ସେ ପ୍ରକାଶ କରିଛନ୍ତି।
