ପରିଣିତି ସେୟାର କଲେ ‘ସାଇନା’ ଫିଲ୍ମର ଏକ ଲୁକ୍, ଫ୍ୟାନ୍ସ କହିଲେ ‘ଅବିକଳ ସାଇନା ନେହୱାଲ’
1 min read
ନୂଆଦିଲ୍ଲୀ: ବାଡମିଣ୍ଟନ ଷ୍ଟାର ସାଇନା ନେହୱାଲଙ୍କ ବାୟୋପିକ୍ ‘ନେହୱାଲ’ ଖୁବ ଶୀଘ୍ର ରିଲିଜ ହେବାକୁ ଯାଉଛି । ଫିଲ୍ମଟିର ଟ୍ରେଲର ରିଲିଜ ହୋଇସାରିଛି ଏବଂ ଏହା ସହିତ ମାର୍ଚ୍ଚ ୨୬ରେ ଫିଲ୍ମଟି ରିଲିଜ ହେବାକୁ ଯାଉଥିବା ମେକର୍ସ ମାନେ ଘୋଷଣା କରିଛନ୍ତି । ଫିଲ୍ମରେ ଅଭିନେତ୍ରୀ ପରିଣିତି ଚୋପ୍ରା ମୁଖ୍ୟ ଭୂମିକାରେ ନଜର ଆସିବେ । ପରିଣିତି ଚୋପ୍ରା ଫିଲ୍ମ ସହ ଜଡ଼ିତ ଏକ ଫଟୋ ସେୟାର କରିଛନ୍ତି ଯେଉଁଥିରେ ସେ ଅବିକଳ ସାଇନାଙ୍କ ଭଳି ଦେଖାଯାଉଛନ୍ତି ।
ପରିଣିତି ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ କୋଲାଜ ଫଟୋକୁ ସେୟାର କରିଛନ୍ତି, ଯେଉଁଥିରେ ସେ ଅବିକଳ ସାଇନାଙ୍କ ପରି ଦେଖାଯାଉଛନ୍ତି । ପରିଣିତିଙ୍କ ଏହି ଫଟୋକୁ ଫ୍ୟାନ୍ସ ମାନେ ଖୁବ ପସନ୍ଦ କରୁଛନ୍ତି ।
View this post on Instagram
ସୂଚନା ଅନୁଯାୟୀ କିଛି ଦିନ ପୂର୍ବରୁ ଫିଲ୍ମରେ ଶ୍ରଦ୍ଧା କପୁରଙ୍କୁ ରିପ୍ଲେସ କରି ପରିଣିତି ପ୍ରଥମ ଥର ନିଜ ପ୍ରତିକ୍ରିୟା ଦେଇଥିଲେ । ନିଜ ଫିଲ୍ମ ବିଷୟରେ ପରିଣିତି କହିଥିଲେ ଯେ, ତାଙ୍କୁ ଏହି ଫିଲ୍ମ ପାଇଁ ଯେତେବେଳେ ଆପ୍ରୋଚ୍ କରାଗଲା ସେତେବେଳେ ସେ କୌଣସି ପ୍ରକାରର ଚାପ ନେଇନଥିଲେ । ଶ୍ରଦ୍ଧା କପୁରଙ୍କ ଏହି ଫିଲ୍ମ ଛାଡ଼ିବା ପରିଣିତିଙ୍କୁ କୌଣସି ପ୍ରକାର ପ୍ରଭାବ ପକାଇନଥିଲା । ସେ ଏହି ଫିଲ୍ମରେ ଅମୋଲ ଗୁପ୍ତାଙ୍କ ସହ କାମ କରିବାକୁ ଖୁବ ଉତ୍ସାହିତ ଥିଲେ ।
View this post on Instagram
ଫିଲ୍ମରେ ସାଇନାଙ୍କ କୋଚ୍ ପୁଲେଲା ଗୋପିଚନ୍ଦଙ୍କ ଚରିତ୍ରରେ ଅଭିନେତା ମାନବ କୌଲଙ୍କୁ ଦେଖିବାକୁ ମିଳିବ । ଏହା ବ୍ୟତୀତ ପରେଶ ରାୱଲ ମଧ୍ୟ ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଏହା ଫିଲ୍ମ ନିର୍ମାତା ଭୂଷକ କୁମାରଙ୍କର ଦ୍ୱିତୀୟ ଫିଲ୍ମ ହେବାକୁ ଯାଉଛି ।
ଅମୋଲ ଗୁପ୍ତାଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ‘ସାଇନା’ ମାର୍ଚ୍ଚ ୨୬ରେ ରିଲିଜ ହେବାକୁ ଯାଉଛି । ସାଇନାକୁ ଡିଜିଟାଲ ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ରିଲିଜ କରିବା ପାଇଁ ଯୋଜନା ଚାଲିଛି । ଏହାପରେ ଫିଲ୍ମଟିକୁ ଥିଏଟରରେ ରିଲିଜ କରାଯିବା ନିଷ୍ପତ୍ତି ନେଇଛନ୍ତି ମେକର୍ସ ।
