ସୈଫଙ୍କ ଅଭିନୀତ ‘ତାଣ୍ଡବ’ର ଟିଜର ରିଲିଜ

ମୁମ୍ବାଇ: ସୈଫ ଅଲି ଖାନଙ୍କ ଅଭିନୀତ ‘ତାଣ୍ଡବ’ର ଟିଜର ରିଲିଜ୍ ହୋଇଯାଇଛି । ଏହା ପଲିଟିକାଲ୍ ଡ୍ରାମା ଉପରେ ଆଧାରିତ ଥିବା ବେଳେ ଆମାଜନ୍ ପ୍ରାଇମରେ ଷ୍ଟ୍ରିମିଂ ହେବ ।

ଏହାର ପ୍ରଡ୍ୟୁସର୍ ହିମାଂଶୁ ମେହେରା ଓ ଅଲି ଅବ୍ବାସ ହୋଇଥିବା ବେଳେ ଏହି ପଲିଟିକାଲ୍ ଡ୍ରାମାକୁ ଅଲି ଅବ୍ବାସ ଜାଫର କ୍ରିଏଟ୍ କରିଛନ୍ତି ।

‘ତାଣ୍ଡବ’ ଟିଜରର ପ୍ରାରମ୍ଭରେ ରାଜନୈତିକ ପତାକା ଦେଖା ଯାଉଥିବା ବେଳେ ସୈଫ୍ ପଲିଟିସିଆନ୍ ଭୂମିକାରେ ନଜର ଆସୁଛନ୍ତି । ଆଉ ବ୍ୟାକ୍ ଗ୍ରାଉଣ୍ଡରେ ଶୁଣିବାକୁ ମିଳୁଛି- ହିନ୍ଦୁସ୍ଥାନକୁ କେବଳ ଗୋଟିଏ ଜିନିଷ ପରିଚାଳିତ କରିଥାଏ, ରାଜନୀତି । ଏହି ଦେଶରେ ଯିଏ ପ୍ରଧାନମନ୍ତ୍ରୀ ସିଏ ହିଁ ରାଜା ।

ସୈଫଙ୍କ ବ୍ୟତୀତ ଏହି ସିରିଜରେ ଡିମ୍ପଲ୍ କପାଡିୟା, ତିଗମାଂସୁ ଧୁଲିଆ, ସୁନିଲ୍ ଗ୍ରୋଭର, ଜିଶାନ୍ ଅୟୁବ୍ ଖାନ୍, କୃତ୍ତିକା କାମରା, କୁମୁଦ ମିଶ୍ରା,ଗୌହର ଖାନ୍, ଅନୁପ ସୋନି, କୃତ୍ତିକା ଅବସ୍ଥି, ଡୋନି ମୋରିଆ ଓ ପରେଶ ପହୁଜା ପ୍ରମୁଖ ନଜର ଆସୁଛନ୍ତି ।