କ୍ଷମତାକୁ ନେଇ ଛକାପଞ୍ଝା, ରିଲିଜ ହେଲା ତାଣ୍ଡବର ଦମଦାର ଟ୍ରେଲର

ତାଣ୍ଡବ: ସୈଫ ଅଲୀ ଖାନଙ୍କ ଯେଉଁ ୱେବ ସିରିଜକୁ ଦର୍ଶକ ଦୀର୍ଘ ଦିନ ଧରି ଅପେକ୍ଷା କରିବସିଥିଲେ ତାହାର ଟ୍ରେଲର ସିରିଜ ହୋଇଯାଇଛି । ଟ୍ରେଲରରେ କ୍ଷମତା ଲୋଭରେ ରଚାଯାଇଥିବା ରାଜନୀତିର ପୁରା ଦମ ଦେଖିବାକୁ ମିଳୁଛି । ଏଥିସହିତ ଟ୍ରେଲରରେ ସୈଫ ଅଲୀ ଖାନ ଏବଂ ଡିମ୍ବଲ କପାଡିଆଙ୍କ ଦମଦାର ଅଭିନୟର ଝଲକ ମଧ୍ୟ ଦର୍ଶାଯାଇଛି ।

ତାଣ୍ଡବର ଟ୍ରେଲରକୁ ଯଦି ଆମେ ବୁଝିବାକୁ ଚେଷ୍ଟା କରିବା ତେବେ ଏଥିରେ ପ୍ରଧାନମନ୍ତ୍ରୀ ଆସନ ପାଇଁ ଲାଗିଛି ଦମଦାର ଲଢ଼େଇ । କ୍ଷମତାରେ ଥିବା ପ୍ରତ୍ୟେକ ବ୍ୟକ୍ତିର ନଜର ରହିଛି ପ୍ରଧାନମନ୍ତ୍ରୀ ପଦବୀ ଉପରେ । ତେବେ ପ୍ରଧାନମନ୍ତ୍ରୀ ପଦବୀ ପାଇବା ପାଇଁ ସେମାନେ କେଉଁ ସ୍ତର ଯାଏଁ ଯାଉଛନ୍ତି ତାହା ଦେଖିବା ବାକି ରହିଛି । ସିରିଜରେ ସୈଫ ଅଲୀ ଖାନ ସମର ପ୍ରତାପ ସିଂହ ଚରିତ୍ରରେ ନଜର ଆସୁଛନ୍ତି ଯିଏକି ଦେଶର ପ୍ରଧାନମନ୍ତ୍ରୀ ହେବା ପାଇଁ ଆଶା ରହିଛନ୍ତି । ଅନ୍ୟପଟେ ଡିମ୍ବଲ କପାଡିଆଙ୍କ ମଧ୍ୟ ଚରିତ୍ର ଦମଦାର ଥିବା ଦେଖିବାକୁ  ମିଳୁଛି ।

ଆମାଜନ ପ୍ରାଇମର ଏହି ୱେବ ସିରିଜରେ ସୈଫ ଏବମ ଡିମ୍ପଲଙ୍କ ବ୍ୟତୀତ ସୁନୀଲ ଗ୍ରୋଭର, ଅୟୁବ ଖାନ, ତିଗମାଂସୁ ଧୁଲିଆ, କୁମୁଦ ମିଶ୍ରା, ସାରା ଜେନ ଡିୟାସ, ଡିନୋ ମୌର୍ଯ୍ୟା, ଗୈହର ଖାନ, ଅନୁପ ସୋନୀ, କୃତିକା କାମରା, ହିତେନ ତେଜୱାନୀ, ଅମାୟରା ଦସ୍ତୁର ମଧ୍ୟ ମୁଖ୍ୟ ଭୂମିକାରେ ନଜର ଆସିଛନ୍ତି । ଜାଣ୍ଡବ ୱେବ ସିରିଜ ଜାନୁଆରୀ ୧୫ ତାରିଖ ଦିନ ରିଲିଜ ହେବାକୁ ଯାଉଛି ।