ରାଜଧାନୀରେ କମିଶନରେଟ ପୋଲିସର ସେଫ୍ ସିଟି ଡ୍ରାଇଭ, ବିଭିନ୍ନ ଛକରେ ପୋଲିସର ଛାପା

ଭୁବନେଶ୍ୱର: ରାଜଧାନୀରେ କମିଶନରେଟ ପୋଲିସର ଚାଲିଛି ସେଫ୍ ସିଟି ଡ୍ରାଇଭ । ବିଭିନ୍ନ ଛକରେ ପୋଲିସର ଛାପା । ଚେକିଂ ଓ ବ୍ଲକିଂକୁ ବ୍ୟାପକ କରିଛି କମିଶନରେଟ ପୋଲିସ । ଝାରପଡ଼ା, କଳ୍ପନା, ରବି ଟକିଜ୍, କଟକ ରୋଡ୍ ସହ ଜାଗମରା, ରାମମନ୍ଦିର ଛକ, ନାଲକୋ ଛକରେ ଚେକିଂ କରାଯାଉଛି । ସନ୍ଦିଗ୍ଧ ଗାଡିକୁ ଯାଞ୍ଚ କରିବା ସହ ଡ୍ରାଇଭରଙ୍କ ପରିଚୟ ବୁଝୁଛି ପୋଲିସ । ଦୁଇ ପ୍ଲାଟୁନ ଫୋର୍ସ ଚେକିଂ ଓ ବ୍ଲକିଂ କାର୍ଯ୍ୟରେ ନିୟୋଜିତ ହୋଇଛନ୍ତି । ସେଫ୍ ସିଟି ଡ୍ରାଇଭ ଅଧୀନରେ ପ୍ରତ୍ୟେକ ଦିନ ରାତିରେ ହେଉଛି ଚେକିଂ। ଖଟି ଓ ମଦ୍ୟପାନ ସ୍ଥାନରେ କରାଯାଉଛି ଚଢ଼ାଉ । ତେବେ ଆଗକୁ ମଧ୍ୟ ଏହିଭଳି ଭାବରେ ଚେକିଂ ଓ ବ୍ଲକିଂ ବଳବତ୍ତର ରହିବ ବୋଲି ଭୁବନେଶ୍ବର ଡିସିପି ସୂଚନା ଦେଇଛନ୍ତି ।